ধুবুৰী, ০৩ জুন (হি.স.): ধুবুৰী জিলাৰ বিলাসীপাৰা ১৭ নং ৰাষ্ট্ৰীয় ঘাইপথত যোৱা কালি মঙলবাৰে নিশা উত্তপ্ত পৰিস্থিতিৰ সৃষ্টি হয় । দুৰ্ঘটনা কেন্দ্ৰ কৰি স্থানীয় ৰাইজে ৰাষ্ট্ৰীয় ঘাইপথ অৱৰোধত কৰি সাব্যস্ত কৰে প্ৰতিবাদ।
ৰাষ্ট্ৰীয় ঘাইপথত ব'লেৰো বাহন আৰু বাইকৰ মাজত মুখামুখি সংঘৰ্ষৰ ফলত এক দুৰ্ঘটনা সংঘটিত হয় । সংঘৰ্ষৰ ফলত বাইক আৰোহী এজন নিহত হয় । নিহত বাইক আৰোহী জন গৌৰীপুৰৰ পিন্টু ৰায় বুলি জানিব পৰা গৈছে । ব' লেৰো পিকআপ বাহন খনৰ বাবেই দুৰ্ঘটনাটো সংঘটিত হোৱাৰ অভিযোগ কৰে প্ৰত্যক্ষদৰ্শীসকলেয়ে ।
দুৰ্ঘটনা সংঘটিত কৰা ব'লেৰো বাহনখনৰ নম্বৰ এএছ ১৭ ই ৮৩৩৯ আৰু বাইক খনৰ নম্বৰ এএছ ১৭ জি ২৩১০ বুলি জানিব পৰা গৈছে । এই দুৰ্ঘটনাৰ পিছতে শ শ যান বাহন আবদ্ধ কৰি কালি নিশা ৰাইজে প্ৰতিবাদ সাব্যস্ত কৰে । ঘটনাস্থলীত বিলাসীপাৰা আৰক্ষীৰ দল উপস্থিত হৈ তদন্ত আৰম্ভ কৰিছে ।
হিন্দুস্থান সমাচাৰ / কিশোৰ মিশ্ৰ