নতুন দিল্লী, ০৩ জুন (হি.স.)। পশ্চিম এছিয়াৰ সংঘাতৰ বাবে প্ৰধানমন্ত্ৰী নৰেন্দ্ৰ মোডীয়ে পেট্ৰলিয়াম সামগ্ৰী সংৰক্ষণৰ বাবে কৰা আহ্বানৰ পিছত বুধবাৰে কেন্দ্ৰীয় কৃষি আৰু কৃষক কল্যাণ মন্ত্ৰী শিৱৰাজ সিং চৌহান, কেন্দ্ৰীয় জল শক্তি মন্ত্ৰী চি আৰ পাটিল আৰু কেন্দ্ৰীয় কয়লা আৰু খনি মন্ত্ৰী জি কিষান ৰেড্ডী কেবিনেট বৈঠকত একেখন গাড়ীৰে (কাৰপুলিং) উপস্থিত হয়।

কেন্দ্ৰীয় মন্ত্ৰী শিৱৰাজ সিং চৌহানে সাংবাদিকৰ সৈতে হোৱা কথা-বতৰাত কয় যে চি আৰ পাটিল, জি কিষাণ ৰেড্ডী আৰু তেওঁ গাড়ী পুলিঙেৰে যাত্ৰা কৰিছিল। প্ৰধানমন্ত্ৰী নৰেন্দ্ৰ মোদীয়ে সমগ্ৰ দেশক অপ্ৰয়োজনীয় পেট্ৰ’ল-ডিজেলৰ ব্যৱহাৰ হ্ৰাস কৰিবলৈ আহ্বান জনাইছে, আৰু এই কাম দেশজুৰি কাৰ্যকৰী কৰা হৈছে। কেবিনেটৰ সহকৰ্মী হিচাপে তেওঁও কাৰপুল কৰাৰ সিদ্ধান্ত লয়।

চৌহানে কয় যে বৰ্তমান পৰিস্থিতিত অপ্ৰয়োজনীয় পেট্ৰ’ল আৰু ডিজেলৰ ব্যৱহাৰ হ্ৰাস কৰাটো অতি প্ৰয়োজনীয়। ৰাজহুৱা পৰিবহণ যিমান পাৰি ব্যৱহাৰ কৰিব লাগে আৰু শক্তি ৰাহিৰ ব্যৱস্থা গ্ৰহণ কৰিব লাগে। -----------------

হিন্দুস্থান সমাচাৰ / অৰৱিন্দ