নতুন দিল্লী, ২৮ জুন (হি.স.)। মহিলা টি-২০ বিশ্বকাপ ২০২৬ৰ ২৮ সংখ্যক মেচত ইংলেণ্ডে ডিফেণ্ডিং চেম্পিয়ন নিউজিলেণ্ডক ৯ উইকেটত পৰাস্ত কৰি প্ৰতিযোগিতাখনৰ পৰা বাহিৰ কৰি দিয়ে । এই পৰাজয়ৰ পিছতে নিউজিলেণ্ডৰ মহিলা ক্ৰিকেট দলৰ অধিনায়ক আমেলিয়া কেৰে স্বীকাৰ কৰে যে এই প্ৰতিযোগিতাখন দলটোৰ বাবে হতাশাজনক ।

লণ্ডনৰ কেনিংটন অ’ভেলত পৰাজয়ৰ ফলত গ্ৰুপ পৰ্যায়ত নিউজিলেণ্ডৰ অভিযানৰ অন্ত পৰে, আনহাতে আয়োজক ইংলেণ্ডে একেৰাহে পঞ্চমবাৰৰ বাবে জয়লাভ কৰি ছেমি ফাইনেলত প্ৰৱেশ কৰি গ্ৰুপ বিৰ শীৰ্ষস্থান দখল কৰে । আয়াৰলেণ্ডৰ হাতত পৰাস্ত হোৱাৰ পিছতো ৱেষ্ট ইণ্ডিজে ফাইনেল চাৰিটাত স্থান নিশ্চিত কৰে ।

পৰাজয়ৰ পিছত নিউজিলেণ্ডৰ অধিনায়কগৰাকীয়ে কয়, আয়াৰলেণ্ডে আমাক ছেমি ফাইনেলত প্ৰৱেশৰ সুযোগ দিলে, আৰু আমি আজি আমাৰ শ্ৰেষ্ঠখিনি দিব লাগিব। বেটিঙৰ সময়ত এনে কিছুমান মুহূৰ্ত আছিল যেতিয়া আমি অনুভৱ কৰিছিলো যে আমি এটা ডাঙৰ স্ক'ৰ পোষ্ট কৰিব পাৰো, কিন্তু আমি কেইটামান উইকেট হেৰুৱালোঁ। তথাপিও আমি ১৬০ ৰানৰ ওপৰত ৰান কৰিলোঁ, গতিকে ভাল বলিঙৰ সৈতে আমি মেচখন জয় কৰাৰ সুযোগ পাইছিলোঁ ।’

তেওঁ আৰু কয় যে যদি আমি আৰু কেইটামান ৰান যোগ কৰি আমাৰ বলিংত অলপ বেছি অনুশাসন দেখুৱালোহেঁতেন তেন্তে মেচখন অতি ৰোমাঞ্চকৰ হ’ব পাৰিলেহেঁতেন ।

প্ৰতিযোগিতাখনৰ সন্দৰ্ভত মন্তব্য় কৰি কেৰে কয়, আমি সকলোৱে একমত যে এই অভিযান আমাৰ বাবে হতাশাজনক আছিল। আমাৰ লক্ষ্য আছিল ছেমি ফাইনেলত প্ৰৱেশ কৰা। তেওঁ লগতে কয় যে আমাৰ দলত এতিয়াও বহু উন্নতিৰ থল আছে। বেটিং, বলিং, ফিল্ডিঙত যদি আমি মাত্ৰ পাঁচ শতাংশও উন্নতি কৰো তেন্তে আমি এটা অতি বিপজ্জনক দল হ’ব পাৰো । আমাৰ বহু প্ৰতিভাৱান যুৱ খেলুৱৈ আছে যিসকল ভৱিষ্যতে শক্তিশালী হ’ব।’

খেলখনৰ কথা ক’বলৈ গ’লে শনিবাৰে নিশাৰ খেলখনত টছত জয়লাভ কৰি প্ৰথমে বেটিং কৰা নিউজিলেণ্ডে ২০ অভাৰত ৬টা উইকেট হেৰুৱাই ১৬৩ ৰান সংগ্ৰহ কৰে। দলটোৱে সতৰ্কতাৰে আৰম্ভণি কৰে, প্ৰথম ছয় অভাৰত এটাও উইকেট হেৰুৱাই ৪৪ ৰান সংযোজন কৰে। অৱশ্যে দ্ৰুতগতিত একেৰাহে তিনিটা উইকেট হেৰুৱাই মুঠ ৭০ ৰান সংগ্ৰহ কৰে । অধিনায়ক আমেলিয়া কেৰে ৪২ ৰানৰ উপযোগী ইনিংছ খেলাৰ বিপৰীতে ইছাবেলা গেজে ২৮ ৰান সংগ্ৰহ কৰে ।

ইয়াৰ পিছত ছফী ডেভিনে ১৪টা বলত ৩০ ৰান সংগ্ৰহ কৰে, আৰু ব্ৰুক হলিডেই ২০ ৰান কৰে। অৱশেষত মেডী গ্ৰীনে ১৭ ৰানত অপৰাজিত হৈ থকাৰ বিপৰীতে ছুজি বেটছে ১৯ ৰান সংগ্ৰহ কৰে। ইংলেণ্ডৰ হৈ ডেনিয়েল গিবছনে দুটা উইকেট দখল কৰাৰ বিপৰীতে লৰেন বেল আৰু ফ্ৰেয়া কেম্পে এটাকৈ উইকেট দখল কৰে।

ইফালে ১৬৪ ৰানৰ লক্ষ্য খেদি খেদি ইংলেণ্ডে আৰম্ভণিৰে পৰাই আক্ৰমণাত্মক বেটিং কৰে। এমি জ’নছক ১৭ ৰাণত আউট কৰা হয় যদিও তাৰ পিছত ডেনি ৱায়াট-হজ আৰু ছফিয়া ডাংকলিয়ে এক সুন্দৰ অংশীদাৰিত্ব গঢ়ি তুলি নিউজিলেণ্ডৰ প্ৰত্যাৱৰ্তনৰ সকলো আশাক স্তব্ধ কৰি পেলায়। দুয়োজন বেটছমেন ডেনি (৮৯ নট আউট) আৰু ডাংকলি (৪৯ নট আউট) ইংলেণ্ডে ৯ উইকেটত গুঞ্জৰিত জয়লাভ কৰে।

-----------------

হিন্দুস্থান সমাচাৰ / অৰৱিন্দ