মুম্বাই, ২৫ জুন (হি.স.)। ভাৰতীয় চিনেমাৰ বাবে গৌৰৱৰ খবৰ ওলাইছে। চলচ্চিত্ৰ কলা আৰু বিজ্ঞান একাডেমীয়ে ২০২৬ বৰ্ষৰ বাবে বিশ্বৰ ৫২৯ গৰাকী শিল্পী আৰু চলচ্চিত্ৰ বিশেষজ্ঞক আমন্ত্ৰণ জনাইছে। এই তালিকাত ভাৰতীয় কেইবাজনো বিশিষ্ট নাম সন্নিবিষ্ট কৰা হৈছে।
ভাৰতীয় প্ৰখ্যাত পৰিচালক বিশাল ভৰদ্বাজ, সাজ-পোছাক ডিজাইনাৰ একা লখানী, কাষ্টিং পৰিচালক দিলীপ শংকৰ, সম্পাদক দীপা ভাটিয়া আৰু এ শ্ৰীকাৰ প্ৰসাদক একাডেমীত যোগদান কৰিবলৈ আমন্ত্ৰণ জনোৱা হৈছে।
এনিমেচন শিল্পী অভনীত কৌৰ, প্ৰডাকচন আৰু টেকন'লজি পেছাদাৰী ফাৰাহ খান আৰু ৰাজেশ ৰামচন্দ্ৰনকো ভাৰতীয় প্ৰতিভাৰ এই সন্মানীয় তালিকাত অন্তৰ্ভুক্ত কৰা হৈছে। এই সৃষ্টিশীল প্ৰতিভাসকলক বিশ্বব্যাপী চিনেমালৈ আগবঢ়োৱা অৱদানৰ স্বীকৃতি স্বৰূপে একাডেমীয়ে সন্মান জনাইছে। এই পদক্ষেপৰ লক্ষ্য হৈছে চলচ্চিত্ৰ উদ্যোগত বৈচিত্ৰ্য আৰু বহল প্ৰতিনিধিত্বৰ প্ৰসাৰ।
একাডেমীৰ তথ্য অনুসৰি যদি সকলো আমন্ত্ৰিত সদস্যই এই প্ৰস্তাৱ গ্ৰহণ কৰে তেন্তে সংগঠনটোৰ মুঠ সদস্য সংখ্যা ১১,৩১৯ জন হ’ব, ইয়াৰে ১০,৩৩৮ জন ভোটিং সদস্য হ’ব। নতুন তালিকাৰ প্ৰায় আধা মহিলা, আনহাতে আধাতকৈ অধিক সম্প্ৰদায়ৰ পৰা আহিছে যিবোৰৰ পূৰ্বে তুলনামূলকভাৱে কম প্ৰতিনিধিত্ব আছিল। ভাৰতীয় চলচ্চিত্ৰ উদ্যোগৰ বাবে এই কৃতিত্বক বিশ্বজুৰি ইয়াৰ ক্ৰমবৰ্ধমান স্বীকৃতি আৰু প্ৰভাৱৰ প্ৰমাণ হিচাপে দেখা গৈছে।
হিন্দুস্থান সমাচাৰ / মনোজ কুমাৰ শইকীয়া
