নতুন দিল্লী, ২৪ জুন (হি.স.)। গুজৰাটৰ মুন্দ্ৰা বন্দৰত জব্দ কৰা ৩ হাজাৰ কিলোগ্ৰাম ড্ৰাগছৰ চালানৰ সৈতে জড়িত ধন সৰবৰাহৰ গোচৰত বুধবাৰে পুৱা দিল্লীৰ ৫টা স্থানত প্ৰৱৰ্তন সঞ্চালকালয়ে অভিযান চলায়। হৰপ্ৰীত সিং তালৱাৰ, শ্বামশুদ্দিন আৰু তেওঁলোকৰ সহযোগীসকলৰ সৈতে জড়িত চৌহদত অভিযান চলায়।

ইডিৰ মতে, ধন সৰবৰাহৰ প্ৰতিৰোধ আইন (পিএমএলএ)ৰ অধীনত এই অভিযান চলোৱা হৈছে। তদন্তত ড্ৰাগছ সৰবৰাহৰ পৰা উপাৰ্জন কৰা ধন দিল্লীৰ নাইট ক্লাবত বিনিয়োগ কৰা বুলি জানিব পৰা গৈছে। এই সন্দৰ্ভত ইডিয়ে বিত্তীয় লেনদেন আৰু বিনিয়োগৰ উৎসৰ তদন্ত কৰি আছে।

তদন্তকাৰী সংস্থাটোৰ মতে, হৰপ্ৰীত সিং তালৱাৰক পূৰ্বে এই গোচৰত ৰাষ্ট্ৰীয় অনুসন্ধান সংস্থাই গ্ৰেপ্তাৰ কৰিছিল আৰু শেহতীয়াকৈ জামিনত মুকলি কৰি দিয়া হৈছিল।

মন কৰিবলগীয়া যে ২০২১ চনত মুন্দ্ৰা বন্দৰত প্ৰায় ৩ হাজাৰ কিলোগ্ৰাম হেৰ’ইনৰ বৃহৎ চালান জব্দ কৰা হৈছিল, যিটো দেশৰ অন্যতম বৃহৎ ড্ৰাগছ সৰবৰাহৰ গোচৰ বুলি গণ্য কৰা হয়। এই গোচৰৰ তদন্ত অব্যাহত ৰাখিছে বিভিন্ন কেন্দ্ৰীয় সংস্থাই।

--------

হিন্দুস্থান সমাচাৰ / অৰৱিন্দ