নতুন দিল্লী, ২৩ জুন (হি.স.)। যুৱ পৰিক্ৰমা আৰু ক্ৰীড়া মন্ত্ৰালয়ে ৰাষ্ট্ৰীয় ক্ৰীড়া ব’ৰ্ডৰ অধ্যক্ষ আৰু দুজন সদস্য পদৰ বাবে আবেদন আহ্বান জনাইছে। এই নিযুক্তিসমূহ ৰাষ্ট্ৰীয় ক্ৰীড়া শাসন আইন ২০২৫ আৰু ৰাষ্ট্ৰীয় ক্ৰীড়া শাসন (ৰাষ্ট্ৰীয় ক্ৰীড়া ব’ৰ্ড) নিয়ম ২০২৬ৰ বিধান অনুসৰি কৰা হ’ব।
মন্ত্ৰালয়ৰ মতে, এই পদসমূহত নিযুক্তিসমূহ কেন্দ্ৰীয় চৰকাৰে গঠন কৰা এখন সহ চয়ন সমিতি (Search-com-Selection Committee)ৰ পৰামৰ্শৰ ভিত্তিত কৰিব। ৰাজহুৱা প্ৰশাসন, ক্ৰীড়া প্ৰশাসন, ক্ৰীড়া আইন, আৰু আনুষংগিক ক্ষেত্ৰৰ জ্ঞান বা ব্যৱহাৰিক অভিজ্ঞতা থকা, আৰু যিসকলৰ প্ৰতিষ্ঠিত দক্ষতা, সততা, আৰু সুনাম আছে, তেওঁলোকৰ পৰা নিৰ্বাচন কৰা হ’ব।
ক্ৰীড়া মন্ত্ৰালয়ে স্পষ্ট কৰি দিছে যে নিৰ্বাচিত অধ্যক্ষ আৰু সদস্যসকলৰ দৰমহা আৰু অন্যান্য সেৱাৰ চৰ্তসমূহ ৰাষ্ট্ৰীয় ক্ৰীড়া শাসন (ৰাষ্ট্ৰীয় ক্ৰীড়া ব’ৰ্ড) নিয়ম ২০২৬ অনুসৰি নিৰ্ধাৰণ কৰা হ’ব।
ৰাষ্ট্ৰীয় ক্ৰীড়া ব’ৰ্ডে দেশৰ ৰাষ্ট্ৰীয় ক্ৰীড়া প্ৰতিষ্ঠানসমূহক স্বীকৃতি প্ৰদানৰ বাবে কেন্দ্ৰীয় সংস্থা হিচাপে কাম কৰিব। ইয়াৰ উপৰিও ক্ৰীড়া সংস্থাসমূহৰ সুশাসন, আৰ্থিক স্বচ্ছতা, আৰু নৈতিক মানদণ্ডৰ আনুগত্যও নিৰীক্ষণ কৰিব।
ইচ্ছুক আৰু যোগ্য প্ৰাৰ্থীয়ে ক্ৰীড়া মন্ত্ৰালয়ৰ অনলাইন পৰ্টেলৰ জৰিয়তে আবেদন কৰিব পাৰিব। আৱেদন দাখিলৰ অন্তিম তাৰিখ ২০২৬ চনৰ ২২ জুলাই নিৰ্ধাৰণ কৰা হৈছে।
হিন্দুস্থান সমাচাৰ / মনোজ কুমাৰ শইকীয়া
