নতুন দিল্লী, ২৩ জুন (হি.স.)। অসমৰ প্ৰখ্যাত গায়ক, ৰাইজৰ হিয়াৰ আপোন জুবিন গাৰ্গৰ মৃত্যুৰ অভিযোগত মূল অভিযুক্ত শ্যামকানু মহন্তৰ জামিন আবেদন সন্দৰ্ভত ন্যায়াধীশ ন্য়ায়মূৰ্তি বি.ভি. নাগৰত্নাই অসম চৰকাৰলৈ জাননী জাৰি কৰিছে। এই গোচৰৰ পৰৱৰ্তী শুনানি জুলাই মাহৰ শেষৰ ফালে অনুষ্ঠিত হ’ব।
শ্যামকানু মহন্তই ২০১৩ চনৰ পৰা উত্তৰ-পূব ভাৰত মহোৎসৱৰ আয়োজন কৰি আহিছে । মহন্ত আছিল ছিংগাপুৰত অনুষ্ঠিত উত্তৰ-পূব ভাৰত মহোৎসৱৰ মুখ্য আয়োজক আৰু ইভেণ্ট মেনেজাৰ আছিল । শুনানিৰ সময়ত মহন্তক প্ৰতিনিধিত্ব কৰি জ্যেষ্ঠ অধিবক্তা সিদ্ধাৰ্থ ডেভে জুবিন গাৰ্গৰ মৃত্যুৰ গোচৰত তেওঁক মিছাকৈ জড়িত কৰা বুলি উল্লেখ কৰে । তেওঁ উল্লেখ কৰে যে মহন্তক জিম্মাত ৰখাৰ প্ৰায় ৯ মাহ হ’ল । শুনানিৰ সময়ত আদালতে ডেভক সুধিছিল যে মহন্তক মুকলি কৰি দিলে পলায়নৰ আশংকা আছে নেকি ? ডেভে উত্তৰ দিলে নহয় । ডেভে আৰু কয় যে মহন্তৰ পাছপ’ৰ্ট ইতিমধ্যে আত্মসমৰ্পণ কৰা হৈছে ।
উল্লেখ্য় যে ২০২৫ চনৰ ১৯ ছেপ্টেম্বৰত ছিংগাপুৰত সাগৰত সাঁতুৰি থকা অৱস্থাত ৰহস্যজনক পৰিস্থিতিত জুবিন গাৰ্গৰ মৃত্যু হয়।জুবিন গাৰ্গৰ মৃত্যুৰ পিছতে কেইবাটাও এফআইআৰ দাখিল কৰা হয় । এফআইআৰত অভিযুক্ত হিচাপে মহন্তকে ধৰি আন লোকৰ নাম উল্লেখ কৰা হৈছে । জামিন আবেদনৰ উপৰিও মহন্তই জুবিন গাৰ্গৰ হত্যাকাণ্ডৰ স্বতন্ত্ৰ তদন্ত বিচাৰি উচ্চতম ন্যায়ালয়ত আন এখন আৱেদন দাখিল কৰিছে। লগতে কেইবাটাও এফ আই আৰ একত্ৰিত কৰাৰ বাবেও তেওঁ বিচাৰিছিল ।
ইয়াৰ পূৰ্বে মহন্তই গুৱাহাটী উচ্চ ন্যায়ালয়ত জামিন আৱেদন দাখিল কৰিছিল । গুৱাহাটী উচ্চ ন্যায়ালয়ে তেওঁৰ জামিন আবেদন নাকচ কৰাৰ পিছতে তেওঁ উচ্চতম ন্যায়ালয়ৰ কাষ চাপে ।
---------------
হিন্দুস্থান সমাচাৰ / অৰৱিন্দ
