চেন্নাই, ২২ জুন (হি.স.)। তামিলনাডুৰ মুখ্যমন্ত্ৰী জোচেফ বিজয়ৰ ৫২ সংখ্যক জন্মদিন উপলক্ষে প্ৰধানমন্ত্ৰী নৰেন্দ্ৰ মোডী, লোকসভাত বিৰোধী দলৰ নেতা ৰাহুল গান্ধী, প্ৰাক্তন মুখ্যমন্ত্ৰী এম. ষ্টেলিন, বিভিন্ন ৰাজনৈতিক দলৰ নেতা, আৰু কেইবাগৰাকীও চলচ্চিত্ৰ ব্যক্তিয়ে তেওঁক শুভেচ্ছা আৰু অভিনন্দন বাৰ্তা প্ৰেৰণ কৰিছে।

দেওবাৰে মুখ্যমন্ত্ৰী বিজয়ে ৫২ সংখ্যক জন্মদিন উদযাপন কৰিছে। এই উপলক্ষে দেশৰ লগতে ৰাজ্যৰ বহু ৰাজনৈতিক নেতাই তেওঁক সুস্থ, দীঘলীয়া, আৰু সফল জনজীৱনৰ কামনা কৰে।

অভিনন্দন বাৰ্তাত প্ৰধানমন্ত্ৰী নৰেন্দ্ৰ মোদীয়ে কয়, তামিলনাডুৰ মুখ্যমন্ত্ৰী জোচেফ বিজয়ক জন্মদিনৰ শুভেচ্ছা জনালোঁ। ভগৱানৰ ওচৰত প্ৰাৰ্থনা কৰিছো যে তেওঁ দীৰ্ঘদিনীয়া আৰু সুস্বাস্থ্যৰ জীৱন যাপন কৰক।

লোকসভাত বিৰোধী দলৰ নেতা ৰাহুল গান্ধীয়েও মুখ্যমন্ত্ৰী বিজয়ক অভিনন্দন জনাই কয়, তামিলনাডুৰ মুখ্যমন্ত্ৰী জোচেফ বিজয়ৰ জন্মদিনৰ আন্তৰিক শুভেচ্ছা । আপোনাৰ সুস্বাস্থ্য আৰু সকলো প্ৰচেষ্টাত সফলতা কামনা কৰিলোঁ। তামিল জনসাধাৰণৰ অধিকাৰ, মৰ্যাদা, আকাংক্ষা ৰক্ষাৰ বাবে আৰু ৰাজ্যখনৰ উন্নয়নৰ বাবে আপোনাৰ প্ৰচেষ্টাত মই আপোনাৰ সৈতে দৃঢ়তাৰে থিয় দিম।

দ্ৰাবিদা মুনেত্ৰ কাঝাগম (ডি এম কে)ৰ সভাপতি তথা প্ৰাক্তন মুখ্যমন্ত্ৰী এম. ষ্টেলিনে নিজৰ বাৰ্তাত কয় যে, মুখ্যমন্ত্ৰী জোচেফ বিজয়ক মোৰ জন্মদিনৰ শুভেচ্ছা জনাইছো। আপুনি জনজীৱনত সুখ, শাৰীৰিক আৰু মানসিক স্বাস্থ্যৰ সৈতে সেৱা অব্যাহত ৰখাৰ কামনা কৰিছো।

আন্না দ্ৰাবিড় মুনেত্ৰ কাঝাগমৰ সাধাৰণ সম্পাদক এদাপ্পাদি কে পালানিস্বামীয়ে ছ’চিয়েল মিডিয়া প্লেটফৰ্ম এক্সত প্ৰকাশ কৰা বাৰ্তা যোগে মুখ্যমন্ত্ৰী বিজয়ক জন্মদিনৰ শুভেচ্ছা জনাই তেওঁৰ দীৰ্ঘ আৰু সুস্থ জীৱন কামনা কৰে।

নাম তামিলাৰ কট্চীৰ সমন্বয়ক সীমানেও মুখ্যমন্ত্ৰী বিজয়ক শুভেচ্ছা জনাই কয় যে তেওঁৰ ৰাজনৈতিক আৰু ৰাজহুৱা কাম-কাজ সফল হৈয়েই আছে আৰু তেওঁ তামিল জনসাধাৰণৰ বাবে অৰিহণা যোগাই আছে।

বিজেপিৰ প্ৰাক্তন ৰাজ্যিক সভাপতি অন্নমলাইয়ে ছ’চিয়েল মিডিয়া বাৰ্তাত মুখ্যমন্ত্ৰী বিজয়ে সুস্বাস্থ্য আৰু দীৰ্ঘায়ুৰে জনসেৱা অব্যাহত ৰাখিবলৈ ঈশ্বৰৰ ওচৰত প্ৰাৰ্থনা জনাইছে।

ৰাজ্যসভাৰ সদস্য তথা মক্কল নীধি মৈয়ামৰ সভাপতি কমল হাছানে মুখ্যমন্ত্ৰী বিজয়ক লাখ লাখৰ প্ৰিয় নেতা আখ্যা দি সফল জনজীৱনৰ কামনা কৰি মুখ্যমন্ত্ৰী বিজয়ক জন্মদিনৰ শুভেচ্ছা জ্ঞাপন কৰে।

আম্মা মক্কল মুনেত্ৰ কাঝাগাম (এএমএমকে)ৰ সাধাৰণ সম্পাদক টিটিভি ধীনকৰনেও মুখ্যমন্ত্ৰী বিজয়ক তেওঁৰ জন্মদিনৰ শুভেচ্ছা জ্ঞাপন কৰি কয় যে তেওঁ হয়তো সম্পূৰ্ণ স্বাস্থ্য আৰু শক্তিৰে জনসেৱাৰ কাম অব্যাহত ৰাখিব ।

ইফালে তামিলনাডু বিধানসভাৰ চলি থকা অধিৱেশনৰ সময়ত অধ্যক্ষ জেচিডি প্ৰভাকৰেও সদনৰ হৈ মুখ্যমন্ত্ৰী বিজয়ক জন্মদিনৰ শুভেচ্ছা জ্ঞাপন কৰে। সদনত উপস্থিত সদস্যসকলেও তেওঁৰ সুস্থ আৰু সফল জীৱনৰ কামনা কৰে ।

মুখ্যমন্ত্ৰী বিজয়ৰ জন্মদিন উপলক্ষে তেওঁৰ দলীয় কৰ্মী আৰু সমৰ্থকসকলে ৰাজ্যৰ বিভিন্ন প্ৰান্তত বিশেষ অনুষ্ঠানৰ আয়োজন কৰে। সমাজ সেৱাৰ কাৰ্যসূচী, ৰক্তদান শিবিৰ, জনকল্যাণমূলক কাৰ্যসূচীও বহু স্থানত আয়োজন কৰা হৈছিল।---------------

হিন্দুস্থান সমাচাৰ / অৰৱিন্দ