নতুন দিল্লী, ২১ জুন (হি.স.)। দ্বিপাক্ষিক বাণিজ্য চুক্তিৰ প্রথম পর্যায়ৰ সন্দর্ভত এই সপ্তাহত ভাৰত আৰু আমেৰিকাই দুদিনীয়া মন্ত্রী পৰ্যায়ৰ আলোচনাত মিলিত হ’ব ৷ কেন্দ্ৰীয় বাণিজ্য আৰু উদ্যোগ মন্ত্ৰী পিয়ুষ গোৱাল আৰু আমেৰিকাৰ বাণিজ্য প্ৰতিনিধি জেমিছন গ্ৰীৰে এই বৈঠকত অংশগ্ৰহণ কৰিব।
মুম্বাইত যোগ দিৱসৰ সংবাদমেলত দেওবাৰে কেন্দ্ৰীয় বাণিজ্য আৰু উদ্যোগ মন্ত্ৰী পীয়ুষ গোৱেলে সাংবাদিকৰ আগত কয় যে বাণিজ্য চুক্তি সন্দৰ্ভত কাইলৈ মোৰ সমকক্ষসকল দিল্লীলৈ আহি আছে। চলিত মাহৰ আৰম্ভণিতে (২-৪ জুন) ৰাষ্ট্ৰীয় ৰাজধানী নতুন দিল্লীত অনুষ্ঠিত মুখ্য আলোচনাপন্থী পৰ্যায়ৰ আলোচনাৰ পিছতে এই বৈঠক অনুষ্ঠিত হৈছে।
শেহতীয়াকৈ বাণিজ্য সচিব ৰাজেশ আগৰৱালাই উল্লেখ কৰিছে যে দুয়োখন দেশৰ মাজত মন্ত্ৰীত্বৰ আলোচনাৰ লক্ষ্য হ’ব চুক্তিখনৰ কাঠামো চূড়ান্ত কৰা। ইয়াৰ পূৰ্বে ৫ জুনত গোৱালে উল্লেখ কৰিছিল যে ভাৰত আৰু আমেৰিকাই বাকী থকা সকলো সমস্যা সমাধানৰ বাবে আগবাঢ়িছে আৰু অহা মাহৰ মাজভাগৰ ভিতৰত বিটিএৰ প্ৰথম পৰ্যায় চূড়ান্ত কৰাৰ আশা কৰিছে দুয়োপক্ষই।
উল্লেখযোগ্য যে ২০২৬ চনৰ ২৪ ফেব্ৰুৱাৰীত সকলো বাণিজ্যিক অংশীদাৰ দেশৰ ওপৰত আমেৰিকাই আৰোপ কৰা ১০% অস্থায়ী শুল্কৰ ম্যাদ ২৪ জুলাইত শেষ হ’ব।ইয়াৰ পিছত আমেৰিকাই আমদানি কৰা সামগ্ৰীৰ ওপৰত সৰ্বাধিক অনুকূল ৰাষ্ট্ৰ (এমএফএন) শুল্ক প্ৰযোজ্য হ’ব। এই অস্থায়ী শুল্ক এম এফ এন শুল্কৰ উপৰিও। গতিকে ২৪ জুলাইৰ পূৰ্বে আমেৰিকাই নতুন শুল্ক গাঁথনি কাৰ্যকৰী কৰিব লাগিব।
হিন্দুস্থান সমাচাৰ / মনোজ কুমাৰ শইকীয়া
