নতুন দিল্লী, ২০ জুন (হি.স.)। বিত্তীয় প্ৰযুক্তি কোম্পানী জেগল প্ৰিপেইড অ’চেন চাৰ্ভিচেছ লিমিটেডৰ সৈতে অংশীদাৰিত্বৰে পঞ্জাব নেশ্যনেল বেংকে মুকলি কৰিছে নতুন কো-ব্ৰেণ্ডেড “টুইন” ক্ৰেডিট কাৰ্ড। এই অনন্য কাৰ্ডে গ্ৰাহকক একেলগে ভিছা আৰু ৰুপে দুয়োটা নেটৱৰ্কৰ সুবিধা প্ৰদান কৰে।
পঞ্জাৱ নেশ্যনেল বেংকে এক বিবৃতিত কয় যে পিএনবিয়ে জেগল প্ৰিপেইড অ’চেন চাৰ্ভিচেছ লিমিটেডৰ সৈতে অংশীদাৰিত্বৰে ভিছা আৰু ৰুপে বৈশিষ্ট্যযুক্ত কো-ব্ৰেণ্ডেড “পিএনবি-জেগল ক্ৰেডিট কাৰ্ড” মুকলি কৰিছে। পৰিৱেশ সচেতন গ্ৰাহকক মনত ৰাখি ডিজাইন কৰা এই ক্ৰেডিট কাৰ্ডসমূহ জৈৱ-বিঘ্নিত সামগ্ৰীৰ পৰা তৈয়াৰ কৰা হৈছে।
বেংকটোৱে জনোৱা মতে, এই কাৰ্ডখন ডুৱেল নেটৱৰ্ক অপচনৰ সৈতে উপলব্ধ হ’ব। ই ভিছা নেটৱৰ্কৰ বিশ্বব্যাপী গ্ৰহণযোগ্যতা আৰু ভ্ৰমণৰ সুবিধাৰ সৈতে ৰুপে নেটৱৰ্কৰ জীৱনশৈলীৰ সুবিধা আৰু ইউপিআই ভিত্তিক পেমেণ্ট সুবিধাৰ সংমিশ্ৰণ ঘটায়। বৰ্তমান কাৰ্ডৰ ব্যৱহাৰ অতি কম হোৱা ভাৰতৰ ক্ৰেডিট কাৰ্ডৰ বজাৰত নিজৰ উপস্থিতি শক্তিশালী কৰাৰ লগতে কম বয়সীয়া গ্ৰাহকৰ পৰা ক্ৰমাৎ বৃদ্ধি পোৱা চাহিদাৰ মূলধন হিচাপে ব্যৱহাৰ কৰাৰ লক্ষ্য লৈছে বেংকটোৱে।
পঞ্জাৱ নেশ্যনেল বেংকৰ পৰিচালন সঞ্চালক তথা মুখ্য কাৰ্যবাহী বিষয়া (চিইঅ’) অশোক চন্দ্ৰই কয় যে বেংকটোৱে যুৱ আৰু ডিজিটেলভাৱে সচেতন গ্ৰাহকৰ প্ৰয়োজনীয়তা পূৰণৰ বাবে উদ্ভাৱনীমূলক ডিজিটেল পেমেণ্ট সমাধান বিকশিত কৰিবলৈ প্ৰতিশ্ৰুতিবদ্ধ। ভাৰতৰ ক্ৰেডিট কাৰ্ড খণ্ডত এতিয়াও অপৰিসীম সম্ভাৱনা আছে, আৰু জেগলৰ সৈতে অংশীদাৰিত্ব বেংকৰ ক্ৰেডিট কাৰ্ড ব্যৱসায় শক্তিশালী কৰাৰ দিশত এক গুৰুত্বপূৰ্ণ পদক্ষেপ।
জেগল প্ৰিপেইড অ’চেন চাৰ্ভিচেছ লিমিটেডৰ পৰিচালন সঞ্চালক তথা মুখ্য কাৰ্যবাহী বিষয়া অবিনাশ ৰমেশ গডখিণ্ডীয়ে কয় যে, “গ্ৰাহকৰ সুবিধাৰ প্ৰতি লক্ষ্য ৰাখি অধিক বিত্তীয় প্ৰযুক্তিৰ সামগ্ৰী বিকশিত কৰাৰ বাবে এই অংশীদাৰিত্ব আমাৰ কৌশলৰ এক গুৰুত্বপূৰ্ণ অংশ।”
হিন্দুস্থান সমাচাৰ / মনোজ কুমাৰ শইকীয়া
