জবলপুৰ, ২০ জুন (হি.স.)। ৰাষ্ট্ৰপতি দ্ৰৌপদী মুৰ্মুৱে আজি সন্ধিয়া (শনিবাৰে) মধ্যপ্ৰদেশ ভ্ৰমণৰ সময়ত জবলপুৰত উপস্থিত হ’ব । তেওঁ কাইলৈ ২১ জুন দেওবাৰে বিশ্ব যোগ দিৱসৰ কাৰ্যসূচীত অংশগ্ৰহণ কৰিব ।

জবলপুৰ জিলা প্ৰশাসনে প্ৰকাশ কৰা সূচী অনুসৰি কলাইকুণ্ডা বিমানবন্দৰৰ পৰা ভাৰতীয় বায়ুসেনাৰ বিশেষ বিমানেৰে সন্ধিয়া ৬:১০ বজাত জবালপুৰত উপস্থিত হ’ব ৰাষ্ট্ৰপতি দ্ৰৌপদী মুৰ্মু । ইয়াত ৰাজ্যপাল মংগুভাই পেটেল আৰু উপ-মুখ্যমন্ত্ৰী জগদীশ দেওৰাই ডুমনা বিমানবন্দৰত ৰাষ্ট্ৰপতিগৰাকীক আদৰণি জনাব ।

ৰাষ্ট্ৰপতিগৰাকীয়ে জবালপুৰ বিমানবন্দৰৰ পৰা ১ নং চাৰ্কিট হাউচত উপস্থিত হ’ব আৰু এৰাতিৰ জিৰণি লোৱাৰ পিছত ২১ জুন দেওবাৰে পুৱা ৭:৩০ বজাৰ পৰা আৰম্ভ হ’বলগীয়া সদৰৰ গেৰিছন খেলপথাৰত অনুষ্ঠিত হৈ থকা ৰাজ্যিক পৰ্যায়ৰ আন্তঃৰাষ্ট্ৰীয় যোগ দিৱসৰ কাৰ্যসূচীত মুখ্য অতিথি হিচাপে অংশগ্ৰহণ কৰিব ।

নিৰ্ধাৰিত সময়সূচী অনুসৰি ৰাজ্যিক পৰ্যায়ৰ আন্তঃৰাষ্ট্ৰীয় যোগ দিৱসৰ কাৰ্যসূচীৰ পিছত ৰাষ্ট্ৰপতিগৰাকীয়ে গেৰিছন খেলপথাৰৰ পৰা ১ নং চাৰ্কিট হাউছৰ পৰা পুৱা ৮:৩৫ বজাত ৰাওনা হ’ব । ইয়াৰ পিছতে পুৱা ১১:৩০ বজাত চাৰ্কিট হাউচৰ পৰা ৰাণী দুৰ্গাৱতী বিশ্ববিদ্যালয়ত উপস্থিত হ’ব, য’ত বিশ্ববিদ্যালয়ৰ ৩৬ সংখ্যক সমাৱৰ্তন অনুষ্ঠানত পুৱা ১১:৫০ বজাৰ পৰা ১২:৫০ বজালৈ মুখ্য অতিথি হিচাপে অংশগ্ৰহণ কৰিব। অনুষ্ঠানৰ পিছতে ৰাষ্ট্ৰপতিগৰাকীয়ে ১:১০ বজাত জবালপুৰ বিমানবন্দৰত উপস্থিত হ’ব আৰু ভাৰতীয় বায়ুসেনাৰ বিশেষ বিমানেৰে গোৱালিয়ৰ অভিমুখে ৰাওনা হয় ।

ৰাষ্ট্ৰপতিগৰাকী ২:২০ বজাত গোৱালিয়ৰত উপস্থিত হ’ব । তাৰ পৰা হেলিকপ্টাৰেৰে কুনো ৰাষ্ট্ৰীয় উদ্যানলৈ ৰাওনা হ’ব। ৩:৩৫ বজাত তেওঁ উপস্থিত হ’ব কুনো গেষ্ট হাউচত। কুনো অতিথিশালাত নিশা কটাব ৰাষ্ট্ৰপতিগৰাকীয়ে। পিছদিনা ২২ জুনত পুৱা ৬:৩০ বজাত কুনো ৰাষ্ট্ৰীয় উদ্যান পৰিদৰ্শন কৰিব । ৰাষ্ট্ৰপতিগৰাকীয়ে পুৱা ১০:২০ বজাত কুনো ৰাষ্ট্ৰীয় উদ্যানৰ হেলিপেডৰ পৰা ৰাওনা হ’ব আৰু ১১:০৫ বজাত গোৱালিয়ৰ বিমানবন্দৰত উপস্থিত হ’ব আৰু গোৱালিয়ৰ বিমানবন্দৰৰ পৰা ১১:১৫ বজাত দিল্লীলৈ ৰাওনা হ’ব । ৰাষ্ট্ৰপতিৰ ভ্ৰমণৰ বাবে কঠোৰ নিৰাপত্তাৰ ব্যৱস্থা কৰা হৈছে। সকলো ইভেণ্ট ভেন্যুতে উচ্চ নিৰাপত্তা আৰু ন’ ফ্লাইং জ’ন ঘোষণা কৰা হৈছে।

-----------------

হিন্দুস্থান সমাচাৰ / অৰৱিন্দ