নতুন দিল্লী, ০২ জুন (হি.স.)। ভাৰতে চিকিৎসা সাহায্যৰ দ্বিতীয় শাখাৰ অংশ হিচাপে আফ্ৰিকা চেণ্টাৰছ ফৰ ডিজিজ কণ্ট্ৰল এণ্ড প্ৰিভেনচন (আফ্ৰিকা চিডিচি)লৈ সুৰক্ষামূলক সামগ্ৰী, নিদান আৰু নিৰীক্ষণ সঁজুলি, ঔষধ, আৰু পৰিপূৰক প্ৰেৰণ কৰিছে। মুঠ ৪৩ টন ওজনৰ এই সাহায্যই আফ্ৰিকান দেশসমূহৰ জনস্বাস্থ্যৰ প্ৰস্তুতি আৰু অধিক শক্তিশালী কৰিব আৰু ইব’লা মহামাৰীৰ বিৰুদ্ধে যুঁজিবলৈ তেওঁলোকৰ ক্ষমতা বৃদ্ধি কৰিব।
মঙলবাৰে এক্সত এক পোষ্টত বৈদেশিক পৰিক্ৰমা মন্ত্ৰী ড০ এছ জয়শংকৰে কয় যে ভাৰতে আফ্ৰিকা চিডিচিলৈ চিকিৎসা সাহায্যৰ দ্বিতীয় শাখা প্ৰেৰণ কৰিছে। ৪৩ টন ওজনৰ এই চালানত সুৰক্ষামূলক সামগ্ৰী, নিদান আৰু নিৰীক্ষণ সঁজুলি, ঔষধ, আৰু পৰিপূৰক আদি অন্তৰ্ভুক্ত কৰা হৈছে।
জয়শংকৰে কয় যে আমি নিশ্চিত যে এই চালানে জনস্বাস্থ্যৰ প্ৰস্তুতি শক্তিশালী কৰিব আৰু আফ্ৰিকান ইউনিয়নৰ দেশসমূহত ইব’লা প্ৰতিৰোধ ক্ষমতা বৃদ্ধি কৰিব।
মন কৰিবলগীয়া যে আফ্ৰিকা চেণ্টাৰছ ফৰ ডিজিজ কণ্ট্ৰল এণ্ড প্ৰিভেনচন (আফ্ৰিকা চিডিচি) হৈছে আফ্ৰিকান ইউনিয়নৰ স্বাস্থ্য প্ৰতিষ্ঠান। ইয়াৰ মুখ্য কাৰ্যালয় ইথিওপিয়াৰ ৰাজধানী আদিছ আবাবাত। ই সমগ্ৰ আফ্ৰিকা মহাদেশত সংক্ৰামক ৰোগ নিৰীক্ষণ, মহামাৰী নিয়ন্ত্ৰণ, পৰীক্ষাগাৰৰ ক্ষমতা সম্প্ৰসাৰণ, আৰু জনস্বাস্থ্য জৰুৰীকালীন ব্যৱস্থাপনাৰ কাম কৰে।
হিন্দুস্থান সমাচাৰ / মনোজ কুমাৰ শইকীয়া
04 Jun 2026
