গোলাঘাট, ০২ জুন (হি.স.)। ৰাজ্যত অত্যাৱশ্যকীয় সামগ্ৰীৰ আকাশলংঘী মূল্যবৃদ্ধিৰ সমান্তৰালভাৱে প্ৰকৃত কৃষকে উচিত মূল্য নাপাই পেলাই দিবলগীয়া হৈছে উৎপাদিত ফচল ৷ দৰিদ্ৰ কৃষকে ধাৰ ঋণ কৰি কৃষিকৰ্ম কৰি এতিয়া পৰিবলগীয়া হৈছে বিপাঙত ৷ যাৰবাবে এতিয়া সৰুপথাৰ সমজিলাৰ বহু কৃষকে উৎপাদিত সামগ্ৰী গৰু ছাগলীক খোৱাব লগীয়া এক পৰিবেশৰ সৃষ্টি হৈছে ৷

উল্লেখ্য় যে কৃষকসকলৰ উৎপাদিত সামগ্ৰী সংৰক্ষণৰ সুবিধাৰ্থে সৰুপথাৰ সমজিলাত এটি শীতল ভঁড়াল আৰম্ভ কৰা হৈছিল। পিছে ২০১৪ চনত নিৰ্মান কৰা শীতল ভঁড়াল বৰ্তমানলৈকে অসম্পূৰ্ণ হৈ থাকিল । যাৰ ফলত উপকৃত হোৱা নাই কৃষকৰাইজ। এইক্ষেত্ৰত নিৰুপায় কৃষি বিষয়াসকল । ইয়াৰ সমান্তৰাল ভাৱে বৰ্তমান ভূতবাংলালৈ ৰৃপান্তৰ হৈছে সৰুপথাৰ সমজিলাৰ এই শীতল ভঁড়াল ।

---------------

হিন্দুস্থান সমাচাৰ / প্ৰকাশ ডেকা