নতুন দিল্লী, ০২ জুন (হি.স.)। কেন্দ্ৰীয় মাধ্যমিক শিক্ষা ব’ৰ্ডৰ নম্বৰ পৰীক্ষণ আৰু উত্তৰ বহী পুনৰ মূল্যায়নৰ অনলাইন পৰ্টেল মঙলবাৰে লাইভ হৈ পৰে । চিবিএছইয়ে নিজৰ অফিচিয়েল এক্স হেণ্ডেলত উল্লেখ কৰিছে যে দশম আৰু দ্বাদশ শ্ৰেণীৰ ছাত্ৰ-ছাত্ৰীৰ বাবে অফিচিয়েল অনলাইন পৰ্টেল এতিয়া লাইভ। চিবিএছইৰ মূল ৱেবছাইটত এই আনুষ্ঠানিক অধিসূচনা প্ৰকাশ কৰা হৈছে ।

প্ৰথমে ২৬ মে’ত লাইভ হ’বলগীয়া অনলাইন পৰ্টেলটো কাৰিকৰী ত্ৰুটিৰ বাবে ১ জুনলৈ বৃদ্ধি কৰা হৈছিল যদিও আন কাৰণত সেই তাৰিখত মুকলি কৰিব পৰা নগ’ল। এতিয়া আজি লাইভ হৈছে। চিবিএছইয়ে ছাত্ৰ-ছাত্ৰীৰ বাবে অফিচিয়েল পৰ্টেল লিংক শ্বেয়াৰ কৰিছে: postresult.cbseit.in/pvr/। নম্বৰ পৰীক্ষণ আৰু উত্তৰ বহী পুনৰ মূল্যায়নৰ বাবে ভিডিঅ’ নিৰ্দেশনা চাই ছাত্ৰ-ছাত্ৰীয়ে আবেদন প্ৰক্ৰিয়া সম্পূৰ্ণ কৰিব পাৰিব।

উল্লেখযোগ্য যে চিবিএছইয়ে ব’ৰ্ড পৰীক্ষাৰ নম্বৰত অসন্তুষ্ট ছাত্ৰ-ছাত্ৰীসকলক উত্তৰ বহী পুনৰ পৰীক্ষা কৰাৰ সুযোগ প্ৰদান কৰিছে। এই প্ৰক্ৰিয়াত মূলতঃ তিনিটা পৰ্যায় জড়িত থাকিব: প্ৰথম পৰ্যায়ত নম্বৰৰ পৰীক্ষণ, দ্বিতীয় পৰ্যায়ত মূল্যায়ন পত্ৰৰ ফটোকপি আৰু তৃতীয় পৰ্যায়ত পুনৰ মূল্যায়ন জড়িত ।

-----------------

হিন্দুস্থান সমাচাৰ / অৰৱিন্দ