কামৰূপ, ১৯ জুন (হি.স.)। যোৱা বুধবাৰে কামৰূপ জিলা শিক্ষা বিভাগৰ তৰফৰ পৰা বিদ্যালয় সমূহৰ গৰমৰ ইউনিফৰ্মৰ বাবে জাৰী কৰা হৈছিল এক জাননী । উৎকত গৰমৰ দিনকেইটাত ছাত্ৰ-ছাত্ৰী সকলক পৰিত্ৰাণ দিবলৈ অনাবস্যক পোছাক পৰিধান কৰাৰ পৰা বিৰত থাকিবলৈ আহ্বান জনায় জিলা শিক্ষা বিষয়া গৰাকীয়ে ।

বিশেষকৈ ব্যক্তিগত মাধ্যমৰ বিদ্যালয় সমূহক স্কুল ইউনিফৰ্ম লগত নেকটাই, ব্লেজাৰ, ৱেষ্টকট' আদিৰ লগতে অনাৱস্যক পোছাক পৰিধান কৰাত শিথিলতা প্ৰদান কৰিছে যদিও চৰকাৰী বিদ্যালয়ৰ ছাত্ৰ-ছাত্ৰী সকলে পৰিধান কৰিব লাগিব তেওঁলোকৰ নিজা ইউনিফৰ্ম। কামৰূপ জিলা শিক্ষা বিষয়া তপন কুমাৰ কলিতাৰ এই দৰ্শনীয় পদক্ষেপে অভিভাৱক সকলক নিজৰ সন্তানক বিদ্যালয়লৈ প্ৰেৰণ কৰাৰ ক্ষেত্ৰত এক স্বষ্ঠিৰ নিশ্বাস পেলাইছে ।

আনহাতে ব্যক্তিগত বিদ্যালয় সমূহৰ অভিভাৱক সকলৰ আবেদনৰ ভিত্তিতে এই দৰ্শনীয় পদক্ষেপে গ্ৰহণ কৰাৰ কথা জানিবলৈ দিয়ে কামৰূপ শিক্ষা বিষয়া জনে ।

লগতে জিলা শিক্ষা বিষয়া গৰাকীৰ এই পদক্ষেপত উৎফুল্লিত হৈ পৰিছে ব্যক্তিগত খণ্ডত অধ্যয়ন কৰা ছাত্ৰ-ছাত্ৰী সকলৰ লগতে অভিভাৱক সকল ।

হিন্দুস্থান সমাচাৰ / প্ৰকাশ ডেকা