বিশ্বনাথ, ১৮ জুন (হি.স.)। গাঁঠিৰ ধন ভাঙি কষ্টেৰে কৰা বড়ো ধানৰ খেতিত বন্যহস্তীৰ উপদ্ৰৱ দেখি বন বিভাগৰ বিৰুদ্ধে খং আৰু ক্ষোভত ফাটি পৰিল কৃষক । গহপুৰ বৰদলনি অঞ্চলত বন্যহস্তীৰ উপদ্ৰৱৰ ফলত দৰিদ্ৰ কৃষক দিশহাৰা হৈ পৰিছে । দীৰ্ঘ দিন ধৰি গহপুৰৰ সম্পূৰ্ন দক্ষিণ অঞ্চলত বন্যহস্তীয়ে কেতিয়াবা কাৰোবাৰ ঘৰ ভাঙে,কেতিয়াবা খেতি পথাৰ অনিষ্ট কৰে । বহু খিনি উপদ্ৰৱ চলাই আহিছে বন্যহস্তীয়ে ।

কাজিৰঙা ষষ্ঠ সংযোজনৰ দিশৰ পৰা খাদ্যৰ সন্ধানত ওলাই অহা বন্যহস্তীৰ জাকে এতিয়া দৰিদ্ৰ ৰাইজক শান্তিত শুব দিয়া নাই । পথাৰত বড়ো ধান অনিষ্ট কৰাৰ ফলত শোকত ভাগি পৰিছে বৰদলনি অঞ্চলৰ কৃষক ৰাইজ৷

হিন্দুস্থান সমাচাৰ / কিশোৰ মিশ্ৰ