কামৰূপ, ১৮ জুন (হি.স.)। কামৰ সন্ধানত বহিঃৰাজ্যলৈ গৈ ১২ দিনে সন্ধানহীন হৈ আছে ৰঙিয়াৰ মুন কুমাৰ নামৰ ব্য়ক্তিজন । ঘৰখনৰ একমাত্ৰ উপাৰ্জনকাৰী সদস্যজন নিৰুদ্দিষ্ট হোৱাত পৰিয়ালটোৰ হাহাকাৰময় অৱস্থা হৈ পৰিছে । অজান আশংকাত চিন্তিত হৈ পৰিছে মুন কুমাৰৰ পত্নী । দুবছৰীয়া মূক বধিৰ সন্তানৰ সৈতে পত্নীয়ে স্বামীক সুস্থ শৰীৰে ঘূৰাই আনিবলৈ কাতৰ আহ্বান জনাইছে ।

উল্লেখ্য যে যোৱা ৭ জুনত কৰ্মৰ সন্ধানত ৰঙিয়াৰ বালিসত্ৰৰ মুন কুমাৰ নামৰ লোকজনে মিৰ হুছেইনৰ জৰিয়তে এছএমভিটি এক্সপ্ৰেছৰ পেন্ট্ৰিকাৰৰ কৰ্মচাৰী হিচাপে কাম আৰম্ভ কৰে । এই ৰে’লখনত ৯ জুনৰ পুৱতি নিশা মুন কুমাৰৰ সৈতে পেন্ট্ৰিকাৰৰ মেনেজাৰ পিন্টু বিশ্বাসে কাজিয়াত লিপ্ত হয় । তাৰ পিছতে মেনেজাৰ পিন্টু বিশ্বাসৰ লগতে পেন্ট্ৰিকাৰৰ কৰ্মচাৰী বিনয় শৰ্মা ওৰফে পণ্ডিত আৰু কোচ বিহাৰৰ ৰাজু শ্বাহে মুনক মাৰপিট কৰে । তেতিয়াৰ পৰা ৰহস্যজনকভাৱে মুন অন্ধ্ৰ প্ৰদেশৰ পৰা নিৰুদ্দেশ হৈ পৰে । মুন কুমাৰৰ নিৰুদ্দেশৰ ঘটনাৰ সৈতে জড়িত থকাৰ সন্দেহত ইতিমধ্যে আৰক্ষীয়ে ৫ জনক গ্ৰেপ্তাৰ কৰে । গ্ৰেপ্তাৰ কৰা যুৱক কেইজন হৈছে পেন্ট্ৰিকাৰৰ প্ৰৱন্ধক পিন্টু বিশ্বাস, কৰ্মচাৰী উত্তৰ প্ৰদেশৰ অযোধ্যাৰ বিনয় শৰ্মা ওৰফে পণ্ডিত, ৰঙিয়াৰ মিৰ হুছেইন, তৌফিকুল হক আৰু আক্ৰাম আলী ।

---------------

হিন্দুস্থান সমাচাৰ / নিৰ্মলেন্দু