বিশ্বনাথ, ১৮ জুন (হি.স.): বিশ্বনাথ জিলাৰ গহপুৰৰ গোপালপুৰ পঞ্চায়তৰ এটি গড়কাপ্তানী পথে জ্বলা কলা খুৱাইছে ৰাইজক ৷ সোলেঙী ৰজাবাৰীৰ পৰা অৰুণাচল সংযোগী গড়কাপ্তানী পথটোৰ মাজত ভাগত ব্লেক টপিং এৰাই গাঁতৰ সৃষ্টি হৈছে ৷ যাৰ ফলত যাতাযাতত দুৰ্ভোগ ভুগিব লগাত পৰিছে স্থানীয় ৰাইজ সকলে ৷

বাহন চলাচল অতি বিপদজনক হৈ পৰিছে পথটোৰে । স্কুল-কলেজলৈ যোৱা ছাত্ৰ-ছাত্ৰী, ৰোগী কঢ়িয়াই নিয়া এম্বুলেন্স আৰু সাধাৰণ যাত্ৰীসকলে নানা সমস্যাৰ সন্মুখীন হ'বলগীয়া হৈছে । ৰাইজে অতি শীঘ্ৰে পথটোৰ মেৰামতিৰ ব্যৱস্থা গ্ৰহণ কৰিবলৈ চৰকাৰ ওচৰত আহ্বান জনাইছে ।

হিন্দুস্থান সমাচাৰ / কিশোৰ মিশ্ৰ