ওদালগুৰি, ১৮ জুন (হি.স.): যোৱা পাঁচ বছৰে কৰ্কট ৰোগত আক্ৰান্ত হৈ চিকিৎসাধীন হৈ আছে টংলা বন গাঁৱৰ ৰাশি বৰুৱা নামৰ এগৰাকী মেধাবী ছাত্ৰী । ছাত্ৰী গৰাকীৰ চিকিৎসা কৰি কৰি আৰ্থিকভাৱে জুৰুলা হৈ পৰিছে অসহায় পিতৃ মাতৃ । যোৱা ২০২১ চনতে মেধাবী ছাত্ৰী ৰাশি বৰুৱাৰ গাত ধৰা পৰিছিল কৰ্কট ৰোগৰ লক্ষণ । তেতিয়াৰে পৰা এখনৰ পিছত আনখন মেডিকেলত চিকিৎসা কৰি আহিছে দিন হাজিৰা কৰা পিতৃ - মাতৃয়ে।

ইফালে কেইবা বাৰু স্থানীয় বিধায়ক, পাৰিষদৰ ওচৰলৈ গৈছিল যদিও পূৰ্বৰ প্ৰতিনিধি সকলে বিশেষ গুৰুত্ব নিদিয়াৰ কথা সদৰি কৰে দুৰ্ভগীয়া পৰিয়ালটোৱে । দিন হাজিৰা কৰা পিতৃ মাতৃয়ে এতিয়া ছোৱালী জনীক চিকিৎসা কৰিবলৈ অসমৰ্থ হৈ পৰিছে । ধনৰ অভাৱত ঘৰৰ বিচনাতে চটফটাই থাকিব লগীয়া হৈছে ছাত্ৰী গৰাকী। সেয়েহে ছোৱালী জনীৰ উন্নত চিকিৎসা বিচাৰি মুখ্যমন্ত্ৰী হিমন্ত মামালৈ আৰ্থিক সহায়ৰ বাবে কাতৰ আহ্বান জনাইছে দুৰ্ভগীয়া পিতৃ - মাতৃয়ে।

হিন্দুস্থান সমাচাৰ / কিশোৰ মিশ্ৰ