বেংগালুৰু, ১৮ জুন (হি.স.)। কৰ্ণাটকৰ ৰাজনীতিত অপৰিসীম উত্তেজনাৰ সৃষ্টি কৰা বিধান পৰিষদৰ নিৰ্বাচনৰ ফলাফল ঘোষণা কৰা হৈছে। কংগ্ৰেছে ৫খন আৰু বিজেপিয়ে দুখন আসন লাভ কৰে। জেডিএছৰ একমাত্ৰ প্ৰাৰ্থী গোবিন্দৰাজু পৰাস্ত হয় আৰু ক্ৰছ ভোটিং এই ফলাফলৰ এটা ডাঙৰ কাৰণ হিচাপে আত্মপ্ৰকাশ কৰে।

বিধানসভাৰ পৰা বিধান পৰিষদৰ সাতখন আসনৰ নিৰ্বাচনত কংগ্ৰেছ প্ৰাৰ্থী কেপিচিচিৰ সভাপতি বি. হৰিপ্ৰসাদ, টিপন্নপ্পা কামকানুৰ, পি.ভি. মোহন, শিৱন্ন মল্লৱল্লী, আৰু বিনয় কাৰ্তিক বিজয়ী হৈ ওলাই আহিল। বিজেপিৰ প্ৰাৰ্থী আৰ ৰঘু আৰু লিংগৰাজ পাটিলেও জয়ী হয়।

নিৰ্বাচনৰ ফলাফল অনুসৰি কংগ্ৰেছ প্ৰাৰ্থী বিনয় কাৰ্তিক সৰ্বাধিক ভোট লাভ কৰি ৩২ টা ভোট লাভ কৰে। হৰিপ্ৰসাদ, টিপন্নপ্পা কামকানুৰ, আৰু শিৱন্না মল্লৱল্লীয়ে ৩০টাকৈ ভোট লাভ কৰাৰ বিপৰীতে পি.ভি. মোহনে লাভ কৰে ২৯। বিজেপি প্ৰাৰ্থী আৰ ৰঘুৱে ২৯টা, আৰু লিংগৰাজ পাটিলে লাভ কৰে ২৭টা। জেডিএছৰ প্ৰাৰ্থী গোবিন্দৰাজুৱে মাত্ৰ ১৪টা ভোট লাভ কৰে।

এই নিৰ্বাচনত কংগ্ৰেছে আশা কৰাতকৈ অধিক সমৰ্থন লাভ কৰাক লৈ যথেষ্ট চৰ্চা চলিছে। কংগ্ৰেছ নেতাসকলে কয় যে বিজেপি আৰু জেডিএছৰ বিধায়কসকলে ক্ৰছ ভোটিঙৰ ফলত কংগ্ৰেছ প্ৰাৰ্থীসকলে অতিৰিক্ত ভোট লাভ কৰে। ৰাজনৈতিক মহলত বিজেপিৰ বিধায়ক শিৱৰাম হেব্বাৰ আৰু এছ.টি. সোমশেখৰ।

নির্বাচনত মুঠ ২২২টা ভোট প্রদান কৰা হয়, ইয়াৰে এটা ভোট অবৈধ বুলি ঘোষণা কৰা হয়৷ নিৰ্বাচনী বিষয়াসকলৰ মতে, সেই ভোট বাতিল কৰা হৈছিল কাৰণ বেলট পেপাৰত প্ৰিফাৰেন্স নম্বৰ সঠিকভাৱে লিখা নাছিল।

ফলাফল ঘোষণাৰ পিছতে কেপিচিচিৰ সভাপতি বি.কে. হৰিপ্ৰসাদে কয় যে কংগ্ৰেছৰ পাঁচোজন প্ৰাৰ্থীৰ বিজয়ে দলৰ শক্তিৰ প্ৰতিফলন ঘটায়। বিজেপি আৰু জেডিএছৰ একাংশ বিধায়কে কংগ্ৰেছ প্ৰাৰ্থীক সমৰ্থন কৰা বুলি দাবী কৰে।

আনহাতে, মুখ্যমন্ত্রী ডি. শিৱকুমাৰে বিজয়ী প্ৰাৰ্থীসকলক অভিনন্দন জনোৱাৰ লগতে তেওঁলোকৰ জনসেৱাৰ কামত অবিৰত সফলতা আৰু ৰাজ্যৰ উন্নয়নত উল্লেখযোগ্য অৱদান কামনা কৰে।

বিধানসভাৰ বিৰোধী দলৰ নেতা আৰ অশোকে সংবাদ মাধ্যমৰ আগত ভাষণ দি কয় যে দলীয় পৰ্যায়ত ক্ৰছ ভোটিং বিষয়টোৰ আভ্যন্তৰীণ পৰ্যালোচনা কৰা হ’ব। তেওঁ কয় যে ক্ৰছ ভোটিঙৰ সৈতে জড়িত তথ্য সংগ্ৰহ কৰাৰ পিছত উপযুক্ত ব্যৱস্থা গ্ৰহণ কৰা হ’ব।

হিন্দুস্থান সমাচাৰ / মনোজ কুমাৰ শইকীয়া