নতুন দিল্লী, ১৮ জুন (হি.স.)। ইণ্ডিয়ান ইনষ্টিটিউট অৱ টেকন’লজি দিল্লীয়ে কিউএছ ৱৰ্ল্ড ইউনিভাৰ্চিটি ৰেংকিং ২০২৭ত উল্লেখযোগ্য প্ৰদৰ্শন অৰ্জন কৰি বিশ্বজুৰি ১১৮ নম্বৰ স্থান দখল কৰিছে । যোৱা বছৰৰ ১২৩ নং ৰেংকিঙৰ তুলনাত ই উন্নতিৰ প্ৰতিনিধিত্ব কৰে। ইয়াৰ ফলত আই আই টি দিল্লীক ধাৰাবাহিকভাৱে দেশৰ শ্ৰেষ্ঠ শৈক্ষিক আৰু গৱেষণা প্ৰতিষ্ঠান হিচাপে স্থান দিয়া হৈছে।

কিউএছ ৱৰ্ল্ড ইউনিভাৰ্ছিটি ৰেংকিং ২০২৭ অনুযায়ী, আইআইটি দিল্লীয়ে ভাৰতীয় প্ৰতিষ্ঠানসমূহৰ এতিয়ালৈকে লাভ কৰা আটাইতকৈ উচ্চ বিশ্বৰেংকিংৰ সৈতে মিল পাইছে । প্ৰতিষ্ঠানটোৰ ৰেংকিং উন্নতৰ পিছতে কেইবাটাও মুখ্য কাৰ্যদক্ষতা সূচকত উল্লেখযোগ্য অগ্ৰগতি হৈছে ।

এমপ্লয়াৰ প্ৰতিষ্ঠানৰ খ্যাতি শ্ৰেণীত আইআইটি দিল্লীয়ে ১১ স্থানৰ উৰ্মি আৰু বিশ্বস্তৰত ৩৯তম স্থান লাভ কৰিছে। এইটো এইটো দেখুৱায় যে বিশ্বৰ নিযুক্তিকাৰীয়ে কোন প্ৰতিষ্ঠানৰ ছাত্ৰ-ছাত্রীক চাকৰিৰ বাবে সৰ্বাধিক প্ৰস্তুত বুলি গণ্য কৰে। একেই ধৰণে, চাকৰি ফলাফল শ্ৰেণীত প্ৰতিষ্ঠানে ৬০ স্থানৰ উল্লেখযোগ্য উন্নতি কৰিছে। এই সূচকৰে গ্ৰ্যাজুৱেটৰ চাকৰি সক্ষমতা আৰু বিভিন্ন ক্ষেত্ৰত তেওঁলোকৰ নেতৃত্ব আৰু প্ৰভাৱ দেখুওৱা হৈছে। প্রতি ফেকাল্টী উদ্ধৃতি সূচকতো আইআইটি দিল্লীয়ে 26 স্থানৰ উন্নতি কৰিছে। এই মানদণ্ড বিশ্ববিদ্যালয়সমূহে কৰা বৈজ্ঞানিক গৱেষণাৰ গুণমান আৰু তাৰ প্ৰভাৱক মূল্যায়ণ কৰে।

এই কৃতিত্বৰ সন্দৰ্ভত আই আই টি দিল্লীৰ ডীন (পৰিকল্পনা) তথা ৰেংকিং চেলৰ মুৰব্বী অধ্যাপক সোমনাথ বৈদ্য ৰায়ে কয় যে প্ৰতিষ্ঠানটোৱে বিশ্বমানৰ আৰু সুলভ মূল্যৰ কাৰিকৰী শিক্ষা প্ৰদানৰ লগতে বিশ্বব্যাপী গৱেষকসকলৰ বাবে এক পছন্দৰ গন্তব্যস্থান হিচাপে পৰিগণিত হোৱাৰ বাবে প্ৰতিশ্ৰুতিবদ্ধ। তেওঁ কয় যে নতুন পাঠ্যক্ৰম, আধুনিক আন্তঃগাঁথনি, আৰু বৰ্ধিত আন্তঃৰাষ্ট্ৰীয় সংযোগে অনাগত বছৰবোৰত প্ৰতিষ্ঠানটোৰ গুণগত মান আৰু প্ৰভাৱ আৰু অধিক শক্তিশালী কৰিব। তেওঁ লগতে কয় যে ৰেংকিং প্ৰতিষ্ঠানটোৰ লক্ষ্য নহয়, বৰঞ্চ ইয়াৰ কাৰ্য্যৰ ফল।

বিগত চাৰি বছৰত আই আই টি দিল্লীয়ে ৭৯টা স্থানৰ গ্লোবেল ৰেংকিঙৰ উন্নতি সাধন কৰিছে। ২০২৪ চনত এই প্ৰতিষ্ঠানটোৱে ১৯৭ নম্বৰ স্থান লাভ কৰিছিল, আৰু এতিয়া ই ১১৮ নম্বৰলৈ উন্নীত হৈছে। উল্লেখযোগ্য যে মার্চ ২০২৬ত প্ৰকাশিত কিউএস ৱৰ্ল্ড ইউনিভাৰ্ছিটি ৰেংকিং বাই চাবজেক্টত আইআইটি দিল্লীৰ বহুতো ইঞ্জিনিয়াৰিং আৰু প্ৰযুক্তি বিষয়ই পৃথিৱীৰ শীৰ্ষ ৫০ বিষয়ৰ ভিতৰত স্থান লাভ কৰিছে। ইয়াৰ ভিতৰত বৈদ্যুতিক অভিযান্ত্ৰিকী, যান্ত্ৰিক অভিযান্ত্ৰিকী, কম্পিউটাৰ বিজ্ঞান, ৰাসায়নিক অভিযান্ত্ৰিকী, আৰু চিভিল অভিযান্ত্ৰিকী আদি অন্যতম। অভিযান্ত্ৰিক আৰু প্ৰযুক্তি শাখাত আই আই টি দিল্লীয়ে দেশৰ ভিতৰতে আগশাৰীৰ স্থান অক্ষুণ্ণ ৰাখি বিশ্বজুৰি ৩৬ নম্বৰ স্থান দখল কৰে।

--------

হিন্দুস্থান সমাচাৰ / অৰৱিন্দ