নতুন দিল্লী, ১৮ জুন (হি.স.)। কেন্দ্ৰীয় সংখ্যালঘু পৰিক্ৰমা মন্ত্ৰালয়ে বৃহস্পতিবাৰে ড০ আম্বেদকাৰ আন্তঃৰাষ্ট্ৰীয় কেন্দ্ৰত হজ ২০২৭ৰ প্ৰস্তুতি সন্দৰ্ভত এক পৰ্যালোচনা বৈঠক অনুষ্ঠিত কৰে। এই উপলক্ষে ভাষণ দি ৰিজিজুৱে কয় যে বিগত ১২ বছৰত দেশৰ সংখ্যালঘু সম্প্ৰদায়ৰ জীৱন ধাৰণৰ মানদণ্ড, জীৱনৰ মানদণ্ড, আৰু সামগ্ৰিক অৱস্থাৰ যথেষ্ট উন্নতি হৈছে। ছৌদি আৰৱৰ হাজ আৰু উমৰা মন্ত্ৰালয়ৰ পৰা হজ ২০২৬ৰ বাবে ভাৰতে দুটা লাব্বাইতুম বঁটা লাভ কৰে। তেওঁ উল্লেখ কৰে যে চৰকাৰে অতি সোনকালে হজ ২০২৭ৰ বাবে নতুন হজ নীতি ঘোষণা কৰিব।মন্ত্ৰীগৰাকীয়ে এইবাৰৰ হজতকৈ হজ ২০২৭ ভাল হ’ব বুলি গুৰুত্ব আৰোপ কৰে।

এই বৈঠকত সংখ্যালঘু পৰিক্ৰমা মন্ত্ৰালয়ৰ সম্পাদক শ্ৰীবৎস কৃষ্ণ, বৈদেশিক পৰিক্ৰমা মন্ত্ৰালয়ৰ সম্পাদক (চিপিভি & ওআইএ), শ্ৰীপ্ৰিয়া ৰংগনাথন, আৰু বৈদেশিক পৰিক্ৰমা মন্ত্ৰালয়ৰ অতিৰিক্ত সচিব (গালফ) অসীম আৰ মহাজনকে ধৰি কেইবাজনো উচ্চপদস্থ বিষয়া উপস্থিত থাকে। সভাত হজ ২০২৬ৰ সফল পৰিচালনাৰ মূল্যায়ন আৰু হজ ২০২৭ৰ বাবে ৰোডমেপ সন্দৰ্ভত বিতংভাৱে আলোচনা কৰা হয়।

হিন্দুস্থান সমাচাৰ / মনোজ কুমাৰ শইকীয়া