অভিনেতা শ্ৰেয়াস তালপড়েৰ আগন্তুক ছবি ‘দ্য ইণ্ডিয়া ষ্ট’ৰী’ৰ ফাৰ্ষ্ট লুক পোষ্টাৰ মুকলি কৰা হৈছে। পোষ্টাৰখনত শ্ৰেয়াছ তালপাডেক এজন গুৰুতৰ আৰু হতাশগ্ৰস্ত পিতৃ হিচাপে নিজৰ অসুস্থ কন্যাৰ ন্যায়ৰ বাবে যুঁজ দিয়া দেখা গৈছে। ছবিখনৰ পৰিচালক হৈছে চেত্তন ডি কে। কাহিনী আৰু প্ৰযোজনাৰ দায়িত্বত আছে সাগৰ বি শ্বিণ্ডে। কাজল আগৰৱালাইও ছবিখনত অভিনয় কৰিছে এগৰাকী শক্তিশালী মহিলা অধিবক্তা হিচাপে যিয়ে ন্যায়ৰ এই যুঁজত মূল ভূমিকা পালন কৰে।
খাদ্যৰ মিশ্ৰণ, ৰাসায়নিক সেৱন, ইয়াৰ সৈতে জড়িত কথিত কেলেংকাৰী আদি গুৰুতৰ সামাজিক বিষয়ক কেন্দ্ৰ কৰি ছবিখনৰ কাহিনী। পোষ্টাৰখনত এজন পিতৃয়ে নিজৰ কন্যাৰ ন্যায় পাবলৈ ব্যৱস্থাটোৰ বিৰুদ্ধে সংগ্ৰাম কৰাটো চিত্ৰিত কৰা হৈছে, আনহাতে এজন অধিবক্তাই তেওঁক তেওঁৰ আইনী যুঁজখন আগুৱাই নিবলৈ সহায় কৰে। প্ৰযোজকসকলে দাবী কৰে যে ছবিখনে সমাজত প্ৰচলিত খাদ্য সুৰক্ষাৰ স্পৰ্শকাতৰ বিষয়সমূহক ডাঙৰ পৰ্দাত উজ্জ্বল কৰি তুলিব।
অৱশ্যে ছবিখনক লৈও বিতৰ্কৰ সৃষ্টি হ’বলৈ আৰম্ভ কৰিছে। শেহতীয়াকৈ প্ৰযোজকসকলক বিভ্ৰান্তিকৰ আৰু মানহানিকাৰক দাবী কৰাৰ অভিযোগ উত্থাপন কৰি আইনী জাননী প্ৰেৰণ কৰা হৈছে। জাননীখনত উল্লেখ কৰা হৈছে যে ছবিখনে ভাৰতীয় কৃষি আৰু খাদ্য ব্যৱস্থাক ভুলকৈ উপস্থাপন কৰিছে আৰু ইয়াক “ধীৰ বিষ” হিচাপে চিত্ৰিত কৰি ইয়াৰ ভাবমূৰ্তি কলংকিত কৰিছে। চিবিএফচিকো এই ছবিখনৰ প্ৰমাণপত্ৰ নিদিবলৈ অনুৰোধ জনোৱা হৈছে। এই অভিযোগৰ সন্দৰ্ভত এতিয়াও আনুষ্ঠানিকভাৱে কোনো প্ৰত্যুত্তৰ দিয়া নাই প্ৰযোজকসকলে। ২০২৬ চনৰ ২৪ জুলাইত হিন্দী, তেলেগু আৰু তামিল ভাষাত মুক্তি পাব ছবিখন।
হিন্দুস্থান সমাচাৰ / মনোজ কুমাৰ শইকীয়া
