বিশ্ব ইতিহাসত ১৯ জুনৰ দিনটোৰ বিশেষ তাৎপৰ্য আছে। এই তাৰিখত ভাৰত আৰু ম্যানমাৰৰ দুই বিশিষ্ট ৰাজনৈতিক ব্যক্তি ৰাহুল গান্ধী আৰু আং ছান ছু কীৰ জন্মদিন। দুয়োজন নেতাৰ জন্ম প্ৰভাৱশালী ৰাজনৈতিক পৰিয়ালত হৈছিল যদিও তেওঁলোকৰ জীৱন আৰু ৰাজহুৱা ভূমিকাৰ দিশ পৃথক পৃথক ।
ভাৰতীয় জাতীয় কংগ্ৰেছৰ জ্যেষ্ঠ নেতা তথা লোকসভাৰ বিৰোধী দলৰ নেতা ৰাহুল গান্ধীৰ জন্ম হৈছিল ১৯৭০ চনৰ ১৯ জুনত নতুন দিল্লীত। ভাৰতৰ প্ৰাক্তন প্ৰধানমন্ত্ৰী ৰাজীৱ গান্ধী আৰু কংগ্ৰেছৰ প্ৰাক্তন সভানেত্ৰী ছোনিয়া গান্ধীৰ পুত্ৰ। বিগত দুটা দশকত ভাৰতীয় ৰাজনীতিত সক্ৰিয় ভূমিকা পালন কৰি অহা ৰাহুল গান্ধী কংগ্ৰেছ দলৰ অন্যতম বিশিষ্ট ব্যক্তি।
১৯৪৫ চনৰ ১৯ জুনত জন্মগ্ৰহণ কৰা ম্যানমাৰৰ গণতন্ত্ৰ সমৰ্থক নেতা আং ছান ছু কী ১৯৪৭ চনত হত্যা কৰা ম্যানমাৰৰ ৰাষ্ট্ৰীয় নেতা আং ছানৰ কন্যা।
গণতন্ত্ৰ, মানৱ অধিকাৰ, অহিংস ৰাজনৈতিক সংগ্ৰামৰ ওপৰত কৰা কামৰ বাবে তেওঁ অসংখ্য আন্তঃৰাষ্ট্ৰীয় সন্মান লাভ কৰে। ১৯৯০ চনত ৰাফটো বঁটা, ইউৰোপীয় সংসদৰ সখাৰভ বঁটা, ১৯৯১ চনত শান্তিৰ নোবেল বঁটা, ১৯৯২ চনত ভাৰত চৰকাৰৰ পৰা আন্তঃৰাষ্ট্ৰীয় বুজাবুজিৰ জৱাহৰলাল নেহৰু বঁটা লাভ কৰে।
গুৰুত্বপূৰ্ণ পৰিঘটনা
১২৬৯ - ফ্ৰান্সৰ ৰজা লুইছে সকলো ইহুদীক বিশেষ বেজ পিন্ধিবলৈ নিৰ্দেশ দিয়ে।
১৭১৬ – আজিৰ দিনটোতে মোগলৰ অজেয়তাৰ ভ্ৰমক ভেঙুচালি কৰা বিখ্যাত শিখ সৈনিক বাণ্ডা সিং বাহাদুৰক সম্ৰাট ফাৰৰুখছিয়াৰৰ নিৰ্দেশত অত্যাচাৰ কৰি হত্যা কৰা হয়।
১৮৪৩ – দাস কেপিটেলৰ লেখক তথা সমাজবিজ্ঞানী কাৰ্ল মাৰ্ক্সৰ বিবাহ হয়।
১৯১০ – ৱাশ্বিংটনত প্ৰথম পিতৃ দিৱস পালন কৰা হয়।
১৯৪৮ – ছোভিয়েট ইউনিয়নে পশ্চিম বাৰ্লিনলৈ যোৱা পথসমূহ বন্ধ কৰি দিয়ে।
১৯৬৮ - মাৰ্টিন লুথাৰ কিঙৰ নেতৃত্বত অৰ্থনৈতিক ন্যায়ৰ বাবে ৫০,০০০ লোকে বিক্ষোভ কৰে।
১৯৮১ - ভাৰতে নিজৰ ভূ-স্থিৰ উপগ্ৰহ এপল সফলতাৰে উৎক্ষেপণ কৰে।
১৯৯১ – ছোভিয়েট ইউনিয়নে হাংগেৰীক নিজৰ দখলৰ পৰা মুক্ত কৰে।
১৯৯৬ – চীন আৰু আমেৰিকাই বৌদ্ধিক সম্পত্তিৰ অধিকাৰ (IPR) সম্পৰ্কে চুক্তিত উপনীত হয়।
১৯৯৬ – বিখ্যাত আম্পায়াৰ ডিকি বাৰ্ডক এমচিচিৰ আজীৱন সদস্যপদৰে সন্মানিত কৰা হয়।
১৯৯৯ – জাৰ্মানীৰ কলনত জি-৮ সন্মিলন আৰম্ভ হয়।
২০০২ – পাকিস্তানৰ বৈদেশিক সচিব ইনামুল হকক পাকিস্তানৰ নতুন বৈদেশিক মন্ত্ৰী হিচাপে নিযুক্তি দিয়া হয়।
২০০৩ – ফিনলেণ্ডৰ প্ৰথমগৰাকী মহিলা প্ৰধানমন্ত্ৰী এনেলি জাটেনেমাকিয়ে পদত্যাগ কৰে।
২০০৫ – ফৰ্বছ আলোচনীয়ে বিশ্বৰ ১০০ গৰাকী শক্তিশালী ব্যক্তিৰ ভিতৰত অপ্ৰা উইনফ্ৰেক প্ৰথম স্থান লাভ কৰে।
২০০৬ - জাপানে উত্তৰ কোৰিয়াক পাৰমাণৱিক পৰীক্ষণক লৈ সকীয়াই দিয়ে।
২০০৭ – পাকিস্তানৰ ৰাষ্ট্ৰপতি পাৰভেজ মুশ্বাৰফে মহম্মদ আলী দুৰানীক তথ্য মন্ত্ৰীৰ পদৰ পৰা অপসাৰণ কৰে।
২০০৭ – পাকিস্তানে বিশ্বৰ ৰাজনৈতিকভাৱে অস্থিৰ দেশৰ তালিকাত দ্বাদশ স্থান লাভ কৰে।
২০০৮ – আজিৰ দিনটোতে উত্তৰাখণ্ড চৰকাৰে গংগা নদীত নিৰ্মাণৰত ৪৮০ মেগাৱাট শক্তিৰ পালা মানেৰী আৰু ৩৮০ মেগাৱাট শক্তিৰ ভৈৰোন্ধৰী প্ৰকল্প স্থগিত ৰাখে।
২০০৮ - গাজা ষ্ট্ৰিপত হিংসাত্মক সংঘাত বন্ধ কৰিবলৈ ইজৰাইল আৰু হামাছৰ মাজত যুদ্ধবিৰতি চুক্তি কাৰ্যকৰী হয়।
জন্ম
১৮৭১ – আজিৰ দিনটোতে মাধৱৰাও সাপ্ৰে - জাতীয় ভাষা হিন্দী প্ৰচাৰক, চোকা চিন্তাবিদ, স্বাধীনতা সংগ্ৰামী, আৰু এজন নিষ্ঠাবান জনকৰ্মী।
১৯৩১ - সুদৰ্শন আগৰৱালা - উত্তৰাখণ্ড আৰু ছিকিমৰ প্ৰাক্তন ৰাজ্যপাল
১৯৪৭ – আজিৰ দিনটোতে বিখ্যাত বৃটিছ ভাৰতীয় লেখক তথা ঔপন্যাসিক ছলমান ৰুছদি।
১৯৪৮ - অক্ৰাম ইবোবি সিং - ভাৰতীয় ৰাজনীতিবিদ আৰু মণিপুৰৰ প্ৰাক্তন মুখ্যমন্ত্ৰী।
মৃত্যু
১৯৮১ - সুভাষ মুখোপাধ্যায় - চিকিৎসক আৰু বিজ্ঞানী, ভাৰতৰ প্ৰথম টেষ্ট টিউব কেঁচুৱাৰ পিতৃ।
২০১৮ - নেৰেলা ভেনু মাধৱ - ভাৰতীয় অনুকৰণ শিল্পী।
২০২১ - গুৰুপ্ৰসাদ মহপাত্ৰ - ভাৰতীয় আই এ এছ বিষয়া।
গুৰুত্বপূৰ্ণ অনুষ্ঠান
- বিশ্ব জাতি-জনগোষ্ঠী দিৱস।
-----------------------
হিন্দুস্থান সমাচাৰ / অৰৱিন্দ
20 Jun 2026
নিৰ্মলা সীতাৰমণৰ সাংস্কৃতিক ঐতিহ্য ক্ষেত্ৰসমূহ ভ্ৰমণ, মেঘালয়ৰ পৰম্পৰাগত শিল্পীসকলৰ সৈতে মত বিনিময়
20 Jun 2026
