নতুন দিল্লী, ১৮ জুন (হি.স.)। সংখ্যালঘু আৰু তেওঁলোকৰ মানৱ অধিকাৰ সুৰক্ষাৰ ক্ষেত্ৰত পাকিস্তান চৰকাৰৰ ব্যৰ্থতাক তীব্ৰ গৰিহণা দিছে ভাৰতীয় জনতা পাৰ্টিয়ে। মাৰ্দানৰ গুৰদ্বাৰাত শিখ দম্পতীৰ হত্যাকাণ্ডক গৰিহণা দি বিজেপিৰ সাধাৰণ সম্পাদক তৰুণ চুঘে কয় যে এই ঘটনাই পাকিস্তানৰ সংখ্যালঘুৰ প্ৰতি চৰকাৰৰ উদাসীন মনোভাৱৰ প্ৰতিফলন ঘটায়।

সংখ্যালঘুসকলক লক্ষ্য কৰি লোৱাটো ৰাষ্ট্ৰৰ পৃষ্ঠপোষকতাত সন্ত্ৰাসবাদৰ অংশ নেকি বুলি তেওঁ প্ৰশ্ন উত্থাপন কৰে। আন্তঃৰাষ্ট্ৰীয় সংগঠনসমূহক হস্তক্ষেপ কৰি পাকিস্তান চৰকাৰক জবাবদিহি কৰিবলৈ দাবী জনায়।

বৃহস্পতিবাৰে প্ৰকাশ কৰা এক বিবৃতিত চুঘে এই হত্যাকাণ্ডক বৰ্বৰ আৰু অত্যন্ত চিন্তনীয় বুলি অভিহিত কৰি কয় যে এই আক্ৰমণে পাকিস্তানত বাস কৰা শিখ আৰু অন্যান্য সংখ্যালঘুৰ মাজত ভয়ৰ পৰিৱেশৰ সৃষ্টি কৰিছে। তেওঁ অভিযোগ কৰে যে সংখ্যালঘুৰ বিৰুদ্ধে চলি থকা হিংসাত্মক ঘটনাই পাকিস্তানে নিৰাপত্তা আৰু ন্যায় প্ৰদানৰ ক্ষেত্ৰত ব্যৰ্থতা উদঙাই দিছে।

পাকিস্তানৰ প্ৰধানমন্ত্ৰী শ্বাহবাজ শ্বৰীফ আৰু খাইবাৰ পখতুনখোৱা চৰকাৰে দোষীক শীঘ্ৰে গ্ৰেপ্তাৰ কৰিবলৈ দাবী জনায়। তেওঁ কয় যে হত্যাকাণ্ডৰ দোষীৰ লগতে ষড়যন্ত্ৰ কৰাসকলক চিনাক্ত কৰি আইন অনুসৰি কঠোৰ শাস্তি প্ৰদান কৰিব লাগে। চুঘে কয় যে যিকোনো কামত পলম হ’লে সংখ্যালঘুৰ সুৰক্ষাৰ প্ৰতি চৰকাৰৰ দায়বদ্ধতাক লৈ গুৰুতৰ প্ৰশ্ন উত্থাপন হ’ব।

উল্লেখযোগ্য যে পাকিস্তানৰ খাইবাৰ পখতুনখোৱা প্ৰদেশৰ গুৰদ্বাৰাৰ ভিতৰত বৃদ্ধ শিখ দম্পতীক গুলীয়াই হত্যা কৰা ঘটনাই সংখ্যালঘুৰ সুৰক্ষাক লৈ গুৰুতৰ প্ৰশ্নৰ উত্থাপন কৰিছে। মৰ্দন জিলাৰ খোৱাজা গঞ্জ বজাৰৰ বাবু মহল্লাত অৱস্থিত গুৰদ্বাৰাত অজ্ঞাত আক্ৰমণকাৰীয়ে ৭০ বছৰীয়া জগন্নাথ আৰু তেওঁৰ পত্নী আছমা ৱান্তীক গুলীয়াই হত্যা কৰে। দুয়োজনেই আছিল সেৱদাৰ আৰু গুৰদ্বাৰাৰ তত্ত্বাৱধায়ক।

হিন্দুস্থান সমাচাৰ / মনোজ কুমাৰ শইকীয়া