গোলাঘাট, ১৭ জুন (হি.স.)। খুমটাইত পথৰ দুৰৱস্থাই জ্বলাকলা খুৱাইছে ৰাইজক। খুমটাই বাগিচাৰ পৰা পতিয়া পথাৰ হৈ মৌ খোৱা সংযোগী এই পথটোত এতিয়া পুখুৰী সদৃশ বৃহৎ বৃহৎ গাঁত । পথটোত যিকোনো সময়তে গাঁতত পৰি দুৰ্ঘটনাত পতিত হ'ব পাৰে পথাচাৰী ।

২০১১ চনতেই অন্তিম বাৰৰ বাবে নিৰ্মাণ কৰা হৈছিল এই পথটো । কংগ্ৰেছ চৰকাৰৰ পাঁচটা বছৰ আৰু বিজেপি চৰকাৰৰ ১০ টা বছৰতো মেৰামতিৰ নামত শিল এটাও নপৰিল এই পথটোত । পথটোৱে দি দৈনিক পাৰ হৈ শ শ পথাচাৰী । পথটোৰ এনে দুৰৱস্থাই এতিয়া যমৰ যাতনা ভুগাইছে পথাচাৰী তথা স্থানীয় ৰাইজক । খুমটাই বিধায়ক গৰাকীক কেইবা বাৰো অনুৰোধ জনোৱাৰ পিছতো কোনো গুৰুত্ব নিদিয়াৰ অভিযোগ স্থানীয় ৰাইজৰ । এতিয়া লোক নিৰ্মাণ বিভাগৰ দায়িত্বত থকা মুখ্যমন্ত্ৰীলৈ কাতৰ আহ্বান স্থানীয় ৰাইজৰ ।

হিন্দুস্থান সমাচাৰ / কিশোৰ মিশ্ৰ