- ওমকাৰেশ্বৰ জ্যোতিৰ্লিংগ আৰু কুনো ৰাষ্ট্ৰীয় উদ্যান ভ্ৰমণ

ভূপাল, ১৭ জুন (হি.স.)। অহা ১৮ জুনত মধ্যপ্ৰদেশলৈ পাঁচদিনীয়া ভ্ৰমণসূচীৰে উপস্থিত ৰাষ্ট্ৰপতি দ্ৰৌপদী মুৰ্মু ২২ জুনলৈকে বেতুল, ওমকাৰেশ্বৰ আৰু জবালপুৰত বিভিন্ন কাৰ্যসূচীত অংশগ্ৰহণ কৰিব, লগতে শ্বেওপুৰৰ বিখ্যাত কুনো ৰাষ্ট্ৰীয় উদ্যান পৰিদৰ্শন কৰিব। তেওঁৰ প্ৰস্তাৱিত বেতুল ভ্ৰমণৰ প্ৰস্তুতিৰ বাবে আজি অনুষ্ঠিত হ’ব ট্ৰাইল লেণ্ডিং আৰু কাৰ্কেড ৰিহাৰ্চেল ।

জিলা প্ৰশাসনৰ তথ্য অনুসৰি ৰাষ্ট্ৰপতি দ্ৰৌপদী মুৰ্মুৱে অহা ১৮ জুনত পুৱা ৯:২৫ বজাত ইন্দোৰ বিমানবন্দৰত উপস্থিত হ’ব । তাৰ পৰা পুৱা হেলিকপ্টাৰেৰে বেতুললৈ ৰাওনা হ’ব। ৰাষ্ট্ৰপতিগৰাকীয়ে পুৱা ১১:১০ বজাত বেতুলত ব্ৰহ্ম কুমাৰী অনুষ্ঠানত অংশগ্ৰহণ কৰিব।ইয়াৰ পিছত বেতুলৰ পৰা দিনৰ ১২:২০ বজাত ওমকাৰেশ্বৰ অভিমুখে ৰাওনা হ’ব আৰু ১:৪০ বজাত ওমকাৰেশ্বৰত উপস্থিত হ’ব। সন্ধিয়া ৬:২০ বজাত ওমকাৰেশ্বৰ মন্দিৰ পৰিদৰ্শন কৰি আৰতিত অংশগ্ৰহণ কৰিব। ওমকাৰেশ্বৰৰ এন এইচ ডি চি গেষ্ট হাউচত তেওঁ নিশা অতিবাহিত কৰিব।

নিৰ্ধাৰিত কাৰ্যসূচী অনুসৰি ৰাষ্ট্ৰপতি দ্ৰৌপদী মুৰ্মুৱে পিছদিনা অৰ্থাৎ ১৯ জুনত পুৱা ৯:৫০ বজাত ওমকাৰেশ্বৰত অনুষ্ঠিত হ’বলগীয়া আন্তঃৰাষ্ট্ৰীয় ছিকেল চেল এনিমিয়া দিৱসৰ কাৰ্যসূচীত অংশগ্ৰহণ কৰিব। পুৱা ১১:৩০ বজাত ওমকাৰেশ্বৰৰ পৰা ৰাওনা হ’ব আৰু নিশা ১২:১৫ বজাত ইন্দোৰ বিমানবন্দৰত উপস্থিত হ’ব। ইন্দোৰ বিমানবন্দৰৰ পৰা পশ্চিম বংগৰ কলাইকুণ্ড বিমানবন্দৰলৈ নিশা ১২:২৫ বজাত ৰাওনা হ’ব।

একেদৰে ২০ জুনত সন্ধিয়া ৬:১০ বজাত বিমানযোগে জবলপুৰ বিমানবন্দৰত উপস্থিত হ’ব ৰাষ্ট্ৰপতিগৰাকী। ইয়াৰ পৰা তাই চাৰ্কিট হাউচলৈ ৰাওনা হ’ব । জবলপুৰৰ চাৰ্কিট হাউচত ৰাতি থাকিব তাই। পিছদিনা ২১ জুন তাৰিখে পুৱা ৭:২০ বজাত জবলপুৰত অনুষ্ঠিত হ’বলগীয়া আন্তঃৰাষ্ট্ৰীয় যোগ দিৱসৰ কাৰ্যসূচীত অংশগ্ৰহণ কৰিব ৰাষ্ট্ৰপতিগৰাকীয়ে। এই কাৰ্যসূচীৰ পিছতে পুৱা ১১:৪০ বজাত ৰাণী দুৰ্গাৱতী বিশ্ববিদ্যালয়, জবলপুৰৰ ৩৬ সংখ্যক কনক্লেভত মুখ্য অতিথি হিচাপে অংশগ্ৰহণ কৰিব ৰাষ্ট্ৰপতিগৰাকীয়ে।

ইয়াৰ পিছতে দিনৰ ১:২০ বজাত জবলপুৰ বিমানবন্দৰৰ পৰা গ্ৱালিয়ৰ অভিমুখে ৰাওনা হ’ব । দুপৰীয়া ২:২০ বজাত গোৱালিয়ৰত উপস্থিত হ’ব । তাৰ পৰা হেলিকপ্টাৰেৰে কুনো ৰাষ্ট্ৰীয় উদ্যানলৈ ৰাওনা হ’ব। বিয়লি ৩:৩৫ বজাত তেওঁ উপস্থিত হ’ব কুনো গেষ্ট হাউচত । কুনো অতিথিশালাত নিশা কটাব ৰাষ্ট্ৰপতিগৰাকীয়ে। পিছদিনা ২২ জুনত পুৱা ৬:৩০ বজাত তাই কুনো ৰাষ্ট্ৰীয় উদ্যান পৰিদৰ্শন কৰিব। ৰাতিপুৱা ১০:২০ বজাত কুনো ৰাষ্ট্ৰীয় উদ্যানৰ হেলিপেডৰ পৰা ৰাওনা হ’ব, ১১:০৫ বজাত গোৱালিয়ৰ বিমানবন্দৰত উপস্থিত হ’ব, আৰু গোৱালিয়ৰ বিমানবন্দৰৰ পৰা ১১:১৫ বজাত দিল্লী অভিমুখে ৰাওনা হ’ব।

-----------------

হিন্দুস্থান সমাচাৰ / অৰৱিন্দ