খাণ্ডৱা, ১৭ জুন (হি.স.)। ৰাষ্ট্ৰপতি দ্ৰৌপদী মুৰ্মুৱে মধ্য প্ৰদেশ ভ্ৰমণৰ সময়ত ১৮ জুন বৃহস্পতিবাৰে ওমকাৰেশ্বৰত উপস্থিত হ’ব। তেওঁ ওমকাৰেশ্বৰ আৰু মমলেশ্বৰ জ্যোতিৰ্লিংগ মন্দিৰত অনুষ্ঠিত হ’বলগীয়া দৰ্শন আৰু আৰতিত অংশগ্ৰহণ কৰিব। নিশাৰ বিশ্ৰামৰ অন্তত ১৯ জুনত অনুষ্ঠিত হ’বলগীয়া আন্তঃৰাষ্ট্ৰীয় ছিকেল চেল এনিমিয়া দিৱসৰ অনুষ্ঠানত মুখ্য অতিথি হিচাপে অংশগ্ৰহণ কৰিব ৰাষ্ট্ৰপতিগৰাকীয়ে।

বুধবাৰে খাণ্ডৱা জিলা প্ৰশাসনে প্ৰকাশ কৰা সূচী অনুসৰি ৰাষ্ট্ৰপতিগৰাকীয়ে ১৮ জুনৰ নিশা ১২:৩০ বজাত বেতুলৰ পৰা হেলিকপ্টাৰেৰে যাত্ৰা কৰিব, দিনৰ ১:৩০ বজাত ওমকাৰেশ্বৰত উপস্থিত হ’ব, আৰু এন এইচ ডি চিৰ অতিথিশালাত জিৰণি ল’ব। ওমকাৰেশ্বৰত ৰাষ্ট্ৰপতিয়ে সন্ধিয়া ৬:২০ বজাত জ্যোতিৰ্লিংগ ওমকাৰেশ্বৰ আৰু মমলেশ্বৰ মন্দিৰ পৰিদৰ্শন কৰিব, আৰু তাৰ পিছত এন এইচ ডি চিৰ অতিথিশালাত নিশা কটাব। পিছদিনা ১৯ জুন তাৰিখে পুৱা ১০:০০ বজাত ওমকাৰেশ্বৰত অনুষ্ঠিত হ’বলগীয়া আন্তঃৰাষ্ট্ৰীয় ছিকেল চেল দিৱসৰ অনুষ্ঠানত মুখ্য অতিথি হিচাপে অংশগ্ৰহণ কৰিব ৰাষ্ট্ৰপতিগৰাকীয়ে। ইয়াৰ পিছতে ৰাতিপুৱা ১১:৩০ বজাত ওমকাৰেশ্বৰ হেলিপেডৰ পৰা ইন্দোৰ অভিমুখে ৰাওনা হ’ব ৰাষ্ট্ৰপতিগৰাকী।

ৰাষ্ট্ৰপতিৰ এই ভ্ৰমণৰ বাবে সমগ্ৰ ওমকাৰেশ্বৰ অঞ্চল আৰু কোঠী হেলিপেডৰ আশে-পাশে থকা ২ কিলোমিটাৰ অঞ্চলত কঠোৰ নিৰাপত্তাৰ ব্যৱস্থা কৰা হৈছে। ইয়াৰ পোহৰত কালেক্টৰ আৰু জিলা দণ্ডাধীশ ঋষৱ গুপ্তাই ড্ৰোন নিয়ম ২০২১ৰ অধীনত সমগ্ৰ ওমকাৰেশ্বৰ অঞ্চল আৰু কোঠী হেলিপেডৰ আশে-পাশে থকা ২ কিলোমিটাৰ অঞ্চলটোক ১৭ জুনৰ পৰা ১৯ জুনলৈ নো ড্ৰ'ন জ'ন হিচাপে ঘোষণা কৰি নিৰ্দেশ জাৰি কৰিছে।কালেক্টৰ গুপ্তাই কয় যে এই আদেশ সমগ্ৰ জিলাখনৰ ওমকাৰেশ্বৰ অঞ্চলত কাৰ্যকৰী হ’ব। এই আদেশ উলংঘা কৰিলে আইনী ব্যৱস্থাৰ সন্মুখীন হ’ব লাগিব।

হিন্দুস্থান সমাচাৰ / মনোজ কুমাৰ শইকীয়া