কামৰূপ, ১৭ জুন (হি.স.)। ডিমৰীয়াৰ ক্ষেত্ৰীত ক্ৰমাৎ বৃদ্ধি পাইছে বন্যহস্তীৰ উপদ্ৰৱ। ক্ষেত্ৰীৰ হেলাগোগত পুৱতি নিশা বন্যহস্তীয়ে লণ্ড-ভণ্ড কৰিলে বাবুল বাৰিকা নামৰ লোকজনৰ বাসগৃহ। সমীপৰে মতাপাহাৰৰ পৰা নামি অহা এটি বন্যহস্তীয়ে ঘৰৰ পকী দেৱাল ভাঙি চূৰ্ণ-বিচুৰ্ণ কৰিলে ঘৰৰ আচবাব, টিভি, বাচন-বৰ্তন। লগতে খাই তহিলং কৰিলে বস্তাত সাঁচি ৰখা ধান।

পুৱতি নিশা গৃহস্ত শুই থকা অৱস্থাতে হাতীয়ে উপদ্ৰৱ চলোৱাত কথমপি শিশুসহ পৰিয়ালটোৰ কেইবাগৰাকীও সদস্যৰ প্ৰাণ ৰক্ষা পৰে । সমীপৰে মতাপাহাৰত অবাধ হাৰত চলা বনধ্বংসৰ বাবে এতিয়া বিনিদ্ৰ ৰজনী পাৰ কৰিছে গাঁওবাসীয়ে। ইফালে বন বিভাগে হাতীসমূহ খেদাৰ কোনো ব্যৱস্থা নকৰাৰো অভিযোগ কৰে ভূক্তভোগী পৰিয়ালটোৱে ।

---------------

হিন্দুস্থান সমাচাৰ / Narayan Kar