মণ্টেৰেই, ১৫ জুন (হি.স.)। ফিফা বিশ্বকাপ ২০২৬ৰ গ্ৰুপ এফ মেচত সোমবাৰে টিউনিছিয়াক ৫-১ গ’লত পৰাস্ত কৰি ছুইডেনে শক্তিশালী প্ৰদৰ্শন আগবঢ়ায় । মণ্টেৰেই ষ্টেডিয়ামত অনুষ্ঠিত হোৱা মেচখনত য়াচিন আয়াৰীয়ে দুটা গ’ল দি শক্তিশালী নোটত নিজৰ অভিযান আৰম্ভ কৰে ।

খেলখনৰ আৰম্ভণিৰে পৰাই ছুইডেনে আগ্ৰাসীভাৱে খেলি সপ্তম মিনিটত অগ্ৰগতি লাভ কৰে। বাকচৰ বাহিৰৰ পৰা য়াচিনে আয়াৰীয়ে এটা শক্তিশালী শ্বট দিয়ে। ইয়াৰ পাছতে তাৰকা ষ্ট্ৰাইকাৰ আলেকজেণ্ডাৰ ইছাকে দ্বিতীয়টো গ’ল দি ৩০ মিনিটত ছুইডেনৰ অগ্ৰগতি দুগুণ কৰে।

প্ৰথমাৰ্ধৰ অন্তিম মুহূৰ্তত টিউনিছিয়াই পুনৰ প্ৰত্যাৱৰ্তনৰ আশা জগাই তুলিছিল। ওমৰ ৰেকিকে এটা উজ্জ্বল হেডাৰেৰে ২-১ গ’লত অগ্ৰগতি লাভ কৰে।

অৱশ্যে দ্বিতীয়াৰ্ধত ছুইডেনে খেলখনৰ সম্পূৰ্ণ নিয়ন্ত্ৰণ লাভ কৰে। ৫৯ মিনিটত ভিক্টৰ জিয়’কেৰেছে তৃতীয়টো গ’ল দি টিউনিছিয়াৰ পুনৰ প্ৰত্যাৱৰ্তনৰ সম্ভাৱনা কাৰ্যতঃ শেষ কৰি দিয়ে।

ইয়াৰ পাছতে খেলখনৰ মাত্ৰ ১৮ ছেকেণ্ডৰ ভিতৰতে বিকল্প খেলুৱৈ মেটিয়াছ শ্বানবাৰ্গে গ’ল দি ছুইডেনৰ অগ্ৰগতি ৪-১লৈ বৃদ্ধি কৰে। ইফালে ইনজুৰি টাইমত ইয়াছিন আয়াৰীয়ে বাকচৰ বাহিৰৰ পৰা দিয়া চমৎকাৰ শ্বটেৰে দ্বিতীয়টো আৰু দলৰ পঞ্চমটো গ’ল দিয়ে।

এই জয়ৰ জৰিয়তে ছুইডেনে গ্ৰুপ এফত শক্তিশালী আৰম্ভণি কৰি তিনিটা পইণ্ট লাভ কৰাৰ বিপৰীতে টিউনিছিয়াই পৰৱৰ্তী মেচত পুনৰ উভতি অহাৰ প্ৰত্যাহ্বানৰ সন্মুখীন হ’ব।

-----------------

হিন্দুস্থান সমাচাৰ / অৰৱিন্দ