নতুন দিল্লী, ১৪ জুন (হি.স.)। ওমানৰ সমীপত সংঘটিত আক্ৰমণত তিনিজন ভাৰতীয় নাৱিকৰ মৃত্যু সন্দৰ্ভত কংগ্ৰেছৰ সভাপতি মল্লিকাৰ্জুন খৰ্গেয়ে কয় যে এই ঘটনাৰ তিনিদিন পিছতো প্ৰধানমন্ত্ৰীৰ কোনো ৰাজহুৱা বিবৃতি বা শোক বাৰ্তা অহা নাই। সেয়ে জাতিটোৱে স্পষ্টতাৰ দাবী কৰিছে। এই আক্ৰমণত নিহত নাৱিকসকলৰ পৰিয়াল ন্যায়ৰ যোগ্য।

দেওবাৰে খৰ্গে ছ’চিয়েল মিডিয়া প্লেটফৰ্ম ‘এক্স’ত কয় যে তেওঁ সমগ্ৰ দেশৰ সৈতে যোগ দি প্ৰাণ হেৰুৱা ভাৰতীয় নাৱিকসকলৰ বাবে শোক প্ৰকাশ কৰিছে। নাৱিকসকলৰ মৃতদেহ ভাৰতত উপস্থিত হৈছে যদিও এতিয়ালৈকে প্ৰধানমন্ত্ৰীৰ পৰা কোনো ৰাজহুৱা সঁহাৰি পোৱা নাই। কেন্দ্ৰীয় চৰকাৰৰ বৈদেশিক নীতিৰ বাবে ভাৰতৰ বিশ্বব্যাপী সুনাম আৰু সাৰ্বভৌমত্ব ক্ষতিগ্ৰস্ত হোৱা বুলি অভিযোগ উত্থাপন কৰে কংগ্ৰেছ সভাপতিগৰাকীয়ে। ৰাষ্ট্ৰীয় স্বাৰ্থৰ লগত আপোচ কৰা হৈছে। ইয়াৰ পূৰ্বে পূৰ্বৰ চৰকাৰসমূহৰ স্বতন্ত্ৰ বৈদেশিক নীতিৰ বাবে বিশ্বই ভাৰতৰ কথা গুৰুত্বসহকাৰে শুনিছিল।

তেওঁ কয় যে বৈদেশিক নীতিৰ বিষয়ত ভাৰতীয় নাগৰিকৰ জীৱনক আফটাৰথ’ট কৰি তুলিব নোৱাৰি। এই সমগ্ৰ ঘটনা সন্দৰ্ভত চৰকাৰে ৰাষ্ট্ৰৰ আগত স্পষ্ট স্থিতি দাঙি ধৰি ক্ষতিগ্ৰস্ত পৰিয়ালসমূহৰ ন্যায় সুনিশ্চিত কৰাৰ বাবে প্ৰয়োজনীয় পদক্ষেপ গ্ৰহণ কৰিবলৈ দাবী জনায় কংগ্ৰেছ সভাপতিগৰাকীয়ে।

হিন্দুস্থান সমাচাৰ / মনোজ কুমাৰ শইকীয়া