নতুন দিল্লী, ১১ জুন (হি.স.)। প্ৰধানমন্ত্ৰী নৰেন্দ্ৰ মোদীয়ে কেন্দ্ৰীয় চৰকাৰৰ ১২ বছৰ সম্পূৰ্ণ হোৱাৰ লগে লগে কৃষকৰ কল্যাণৰ বাবে কৰা কামৰ প্ৰশংসা কৰে। তেওঁ কয় যে চৰকাৰে কৃষকসকলক আধুনিক প্ৰযুক্তি, কম সুতৰ ঋণ, শস্যৰ উচিত মূল্য, আয়ৰ সুৰক্ষা, আৰু সৌৰশক্তিৰ ব্যৱস্থা কৰি তেওঁলোকৰ উৎপাদনশীলতা আৰু জীৱন ধাৰণৰ মান উন্নত কৰাত ধাৰাবাহিকভাৱে গুৰুত্ব আৰোপ কৰি আহিছে।

প্ৰধানমন্ত্ৰীয়ে বৃহস্পতিবাৰে ছ’চিয়েল মিডিয়া প্লেটফৰ্ম এক্সত কয় যে কৃষকৰ কল্যাণ আমাৰ অন্যতম শীৰ্ষ অগ্ৰাধিকাৰ। চৰকাৰে কৃষকসকলক আধুনিক কৃষি সা-সুবিধা প্ৰদান কৰাত ধাৰাবাহিকভাৱে গুৰুত্ব আৰোপ কৰি আহিছে। ড্ৰ’ন, মাটিৰ স্বাস্থ্য কাৰ্ড, প্ৰাকৃতিক সাৰৰ সৈতে জড়িত অভিযানে কৃষকসকলক শস্যৰ উৎপাদনশীলতা বৃদ্ধি কৰাত সহায় কৰিছে।

আন এটা পোষ্টত প্ৰধানমন্ত্ৰীয়ে কয় যে কৃষক, পশুপালক আৰু মাছমৰীয়াৰ বাবে কিষাণ ক্ৰেডিট কাৰ্ডে খেতি আৰু অন্যান্য প্ৰয়োজনৰ বাবে কম সুতৰ হাৰত ঋণৰ সহজ সুবিধা প্ৰদান কৰি অতি উপযোগী বুলি প্ৰমাণিত হৈছে। ইয়াৰ উপৰিও বীজৰ পৰা বজাৰলৈ পদক্ষেপে তেওঁলোকৰ শস্যৰ উচিত মূল্য নিশ্চিত কৰাত গুৰুত্বপূৰ্ণ ভূমিকা পালন কৰিছে।

আন এটা পোষ্টত প্ৰধানমন্ত্ৰীয়ে কয় যে আমাৰ কৃষক ভাই-ভনীসকল জাতিৰ খাদ্য সুৰক্ষা, পুষ্টি, সমৃদ্ধিৰ স্তম্ভ। তেওঁলোকৰ জীৱন সহজ কৰি তুলিবলৈ চৰকাৰে কোনো শিল নপৰাকৈ এৰি দিয়া নাই। প্ৰধানমন্ত্ৰী-কিষাণ সন্মান নিধি আৰু শস্য বীমা আঁচনিৰ দৰে পদক্ষেপে তেওঁলোকৰ আয়ৰ সুৰক্ষাই নহয়, কৃষিকো সবল কৰি তুলিছে। তেওঁ লগতে উল্লেখ কৰে যে পি এম-কুছুম আঁচনিৰ জৰিয়তে সৌৰ শক্তি কৃষকৰ বাবে সুলভ কৰি তোলা হৈছে, খেতিৰ ব্যয় হ্ৰাস পাইছে আৰু শক্তিৰ উপলব্ধতা বৃদ্ধি পাইছে।

হিন্দুস্থান সমাচাৰ / মনোজ কুমাৰ শইকীয়া