শিৱসাগৰ, ১১ জুন (হি.স.): হাইস্কুল শিক্ষান্ত পৰীক্ষাত তিনিটাকৈ বিষয়ত লেটাৰমাৰ্ক পাই উৰ্ত্তীণ হোৱা এজন ছাত্ৰই আধাতেই শিক্ষা সামৰি এক জটিল ৰূগত আক্ৰান্ত হৈ বিচনাতেই শুই শুই দিন পাৰ কৰিছে । আমগুৰিৰ নামতি চাৰি আলি খনিকৰ গাঁৱৰ মুকুন্দ মাধৱ নামৰ ছাত্ৰজন প্ৰায় ১৪ বছৰ ধৰি দুৰাৰোগ্য ৰূগত আক্ৰান্ত হৈ বিচনাতে দিন অতিবাহিত কৰি আহিছে ।
উল্লেখ্য যে মুকুন্দ মাধৱে ২০১২ চনৰ পৰা ২০২০ চনলৈকে এল'পেথিক চিকিৎসা কৰাৰ পিছতেই ২০২০ চনৰ পৰা ২০২৫ চনলৈকে আয়ুৰ্বেদিক চিকিৎসা লয় । মাহিলি ২২ হাজাৰ পৰা ২৫ হাজাৰ টকাৰ প্ৰয়োজন হয় ঔষধ ক্ৰয়ৰ বাবে । পুত্ৰৰ চিকিৎসা আৰু ঔষধ ক্ৰয় কৰি সৰ্বস্বান্ত হৈ পৰিছে পিতৃ মাতৃ । মাটি সম্পত্তিৰ লগতে সোণৰ গহনা বিক্ৰী কৰি সৰ্বস্বান্ত হৈ পৰিছে পৰিয়ালটো । মাহিলি ২২ ৰ পৰা ২৫ হাজাৰ টকাৰ ঔষধ ক্ৰয় কৰিবলৈ সমস্যাত পৰিছে মুকুন্দ মাধৱ খনিকৰৰ লগতে পৰিয়ালটি । মাহিলি ধাৰ্য কৰি দিয়া ঔষধ খোৱা পলম হলেই স্বাস্থ্যৰ অৱনতি ঘটে মুকুন্দ মাধৱৰ।
ইফালে ঔষধ ক্ৰয়ৰ বাবে আৰ্থিক অভাৱত পৰিছে মুকুন্দ মাধৱ । ৰাজ্যৰ মুখ্যমন্ত্ৰী ড০ হিমন্ত বিশ্ব শৰ্মাৰ পৰা এক স্থায়ী সমাধান বিচাৰিছে মুকুন্দ মাধৱে । কোনো সদাশয় লোকে মুকুন্দ মাধৱক অকণমান সহায়ৰ হাত আগবঢ়াব বিচাৰিলে ৮৪৭১৯ ১৮৩০৪ এই নম্বৰত যোগাযোগ কৰিবলৈ আহ্বান জনাইছে ভূক্তভোগীজনে।
হিন্দুস্থান সমাচাৰ / কিশোৰ মিশ্ৰ