নতুন দিল্লী, ১১ জুন (হি.স.)। কেন্দ্ৰীয় তদন্তকাৰী সংস্থাই বৃহস্পতিবাৰে থাইলেণ্ডৰ পৰা চাইবাৰ জালিয়াতিৰ গোচৰত বিচৰা পলাতক গণেশ বালাসো কালেক প্ৰত্যাৰ্পণ কৰাত সফল হয় । ২৪ মে’ত বেংককত থাইলেণ্ড কৰ্তৃপক্ষই তেওঁক আটক কৰি আইনী পদ্ধতি সম্পূৰ্ণ কৰি ১০ জুনত ভাৰতলৈ বিতাড়িত কৰে। অভিযুক্তক লৈ আজি মুম্বাইত উপস্থিত হয় চিবিআইৰ বিষয়া।

চিবিআইয়ে জনোৱা মতে, মুম্বাইত উপস্থিত হোৱাৰ পিছত গণেশ বালাসো কালেক মহাৰাষ্ট্ৰ আৰক্ষীৰ চাইবাৰ চেলে জিম্মাত লৈ যায়। অনলাইনত অংশকালীন চাকৰিৰ প্ৰতিশ্ৰুতি দি মানুহক প্ৰলোভিত কৰি তাৰ পিছত প্ৰতাৰণা কৰাৰ অভিযোগ কালেৰ বিৰুদ্ধে। তেওঁ নিৰীহ ব্যক্তিক জড়িত কৰা এটা নেটৱৰ্ক চলাইছিল আৰু তেওঁলোকৰ বেংক একাউণ্ট অবৈধ ধন স্থানান্তৰৰ বাবে ব্যৱহাৰ কৰিছিল।

লগতে সহ-অভিযুক্তক মোবাইল ফোন আৰু ভুৱা চিম কাৰ্ডৰ ব্যৱস্থা কৰিবলৈও নিৰ্দেশ দিয়ে। চিবিআইয়ে উল্লেখ কৰিছে যে এই গোচৰৰ তদন্ত অব্যাহত আছে । চিবিআইয়ে উল্লেখ কৰা মতে, বৈদেশিক পৰিক্ৰমা মন্ত্ৰালয়, গৃহ পৰিক্ৰমা মন্ত্ৰালয়, আৰু থাইলেণ্ডত থকা ভাৰতীয় দূতাবাসৰ সহযোগত ৰেড কৰ্ণাৰ জাননী জাৰি কৰাৰ মাত্ৰ ২০ দিনৰ ভিতৰতে অভিযুক্তৰ সন্ধান উলিয়াই ভাৰতলৈ অনা হয়।

হিন্দুস্থান সমাচাৰ / মনোজ কুমাৰ শইকীয়া