নতুন দিল্লী, ১০ জুন (হি.স.)। শেহতীয়াকৈ আন্তঃৰাষ্ট্ৰীয় ক্ৰিকেট পৰিষদ (আইচিচি)ৰ টেষ্ট ৰেংকিঙত এক বৃহৎ পৰিৱৰ্তন দেখা গৈছে। ইংৰাজ যুৱ বেটছমেন হেৰী ব্ৰুক নিজৰ দেশৰ কিংবদন্তি বেটছমেন জো ৰুটক অতিক্ৰম কৰি বিশ্বৰ ১ নং টেষ্ট বেটছমেন হিচাপে পৰিগণিত হৈছে।

২০২৪ চনৰ পিছত প্ৰথমবাৰৰ বাবে টেষ্ট বেটিং ৰেংকিঙত শীৰ্ষস্থান দখল কৰিবলৈ সক্ষম হৈছে ব্ৰুক । ইফালে, জো ৰুটে দুটা স্থান পিছলি তৃতীয় স্থান দখল কৰিছে। অষ্ট্ৰেলিয়াৰ ট্ৰেভিছ হেডে দ্বিতীয় স্থান লাভ কৰিছে ।

শেহতীয়াকৈ নিউজিলেণ্ডৰ বিৰুদ্ধে লৰ্ডছ টেষ্টত ৫৬ ৰান সংগ্ৰহ কৰি ইংলেণ্ডৰ জয়ত গুৰুত্বপূৰ্ণ ভূমিকা পালন কৰিছিল ব্ৰুক। আনহাতে জো ৰুটে দুয়োটা ইনিংছতে মাত্ৰ ১ আৰু ৮ ৰানহে কৰিবলৈ সক্ষম হয়।

ভাৰতীয় দলৰ অধিনায়ক শুভমন গিলেও তেওঁৰ আকৰ্ষণীয় প্ৰদৰ্শনৰ পৰা লাভৱান হৈছে । আফগানিস্তানৰ বিৰুদ্ধে শতক অৰ্জন কৰি টেষ্ট বেটছমেনৰ ৰেংকিঙত দুটা স্থান জপিয়াই অষ্টম স্থান দখল কৰিছে। সেই মেচখনত গিলে ১২৬ ৰান সংগ্ৰহ কৰিছিল আৰু ভাৰতে টেষ্টত সৰ্বাধিক ইনিংছ আৰু ৩০০ ৰান সংগ্ৰহ কৰিছিল।

ইংলেণ্ডৰ বেগী বলাৰ গাছ এটকিনছনে বলাৰৰ ৰেংকিঙত এক উল্লেখযোগ্য জঁপিয়াই পৰিছে । লৰ্ডছ টেষ্টত ৭টা উইকেট দখল কৰাৰ পাছত ৭টা স্থান ওপৰলৈ উঠি শীৰ্ষ দহটাত প্ৰৱেশ কৰিছে।এটকিনছনেও দ্বিতীয় ইনিংছত ৫টা উইকেট দখল কৰে।

অল ৰাউণ্ডাৰ ৰেংকিঙতো এটকিনছনে লাভৱান হৈ অষ্টম স্থানৰ পৰা ষষ্ঠ স্থানলৈ গতি কৰে ।

এদিনীয়া ৰেংকিঙত পাকিস্তানী খেলুৱৈয়ে যথেষ্ট উন্নতি সাধন কৰিছে । অষ্ট্ৰেলিয়াৰ বিৰুদ্ধে ছিৰিজত ৬টা উইকেট দখল কৰা আব্ৰাৰ আহমেদে দুটা স্থান বৃদ্ধি কৰি বলাৰৰ ৰেংকিঙত দ্বিতীয় স্থান লাভ কৰিছে ।

তিনিখন মেচত ৭টা উইকেট দখল কৰা শ্বাহীন শ্বাহ আফ্ৰিদীয়ে চাৰিটা স্থান জপিয়াই শীৰ্ষ দহটা স্থানত প্ৰৱেশ কৰিছে । এতিয়া তেওঁ নৱম স্থানত আছে ।

ইফালে বাংলাদেশৰ বেগী বলাৰ নাহিদ ৰানাও যথেষ্ট উন্নতি সাধন কৰে। মিৰপুৰত অষ্ট্ৰেলিয়াৰ বিৰুদ্ধে প্ৰথমখন খেলত চাৰিটা উইকেট দখল কৰি ২৩ স্থান জঁপিয়াই ২৪ নম্বৰ স্থানলৈ আগুৱাই আহে ।---------------

হিন্দুস্থান সমাচাৰ / অৰৱিন্দ