নতুন দিল্লী, ১০ জুন (হি.স.)। ভাৰতৰ দীৰ্ঘদিনীয়া নিৰ্বাচিত প্ৰধানমন্ত্ৰী হোৱাৰ বাবে প্ৰধানমন্ত্ৰী নৰেন্দ্ৰ মোডীক উদ্যোগ জগতৰ তৰফৰ পৰা অভিনন্দন জনাইছে । বুধবাৰে উদ্যোগ সংস্থাসমূহে কয় যে তেওঁৰ নেতৃত্বত ভাৰতে এক প্ৰভাৱশালী বিশ্ব কণ্ঠস্বৰ হিচাপে আত্মপ্ৰকাশ কৰিছে আৰু সৰ্বাংগীন সংস্কাৰে সৰ্বাংগীন অৰ্থনৈতিক বিকাশৰ প্ৰসাৰ ঘটাইছে।

উদ্যোগ সংগঠনসমূহে ব্যৱসায় কৰাত সহজতা বৃদ্ধি কৰা সংস্কাৰৰ বাবে মোডী চৰকাৰক প্ৰশংসা কৰি কয় যে ইয়াৰ দ্বাৰা বিনিয়োগকাৰীৰ আত্মবিশ্বাস বৃদ্ধি পাইছে আৰু ২০৪৭ চনৰ ভিতৰত “উন্নত ভাৰত”ৰ লক্ষ্যত উপনীত হোৱাৰ ক্ষেত্ৰত উদ্যোগটোৱে চৰকাৰৰ সৈতে থিয় দিছে।

ভাৰতীয় উদ্যোগ সংঘ (চিআইআই)ৰ সভাপতি আৰ মুকুণ্ডনে কয় যে ভাৰতৰ সামৰ্থ্যৰ ওপৰত ক্ৰমাৎ বৃদ্ধি পোৱা আস্থা ইয়াৰ শক্তি, উচ্চাকাংক্ষা আৰু বিশ্ব অৰ্থনৈতিক মহাশক্তি হোৱাৰ দিশত অবিৰত অগ্ৰগতিৰ দ্বাৰা প্ৰতিফলিত হৈছে। আমি উন্নত ভাৰতৰ লক্ষ্যৰ দিশে আগবাঢ়ি যোৱাৰ লগে লগে উদ্যোগে বিনিয়োগ বৃদ্ধি, প্ৰতিযোগিতামূলক ক্ষমতা শক্তিশালী আৰু চাকৰিৰ সৃষ্টিৰ সৈতে চৰকাৰৰ সৈতে ঘনিষ্ঠভাৱে কাম কৰি যাব।

এই সাফল্যৰ বাবে প্ৰধানমন্ত্ৰী নৰেন্দ্ৰ মোডীক অভিনন্দন জনাই ফেডাৰেচন অৱ ইণ্ডিয়ান চেম্বাৰ্ছ অৱ কমাৰ্চ এণ্ড ইণ্ডাষ্ট্ৰী (এফআইচিচিআই)ৰ সভাপতি অনন্ত গোৱেংকাই কয়, যোৱা ১২ বছৰত ভাৰতৰ অৰ্থনৈতিক মৌলিক দিশসমূহ শক্তিশালী হৈছে। বৃহৎ সংস্কাৰ, ব্যৱসায় কৰাত সহজতা বৃদ্ধি, আন্তঃগাঁথনিত ৰেকৰ্ড বিনিয়োগ, বাণিজ্যিক অংশীদাৰিত্ব সম্প্ৰসাৰণ, আৰু বিশ্বব্যাপী প্ৰতিযোগিতামূলক উৎপাদন পৰিৱেশ তন্ত্ৰৰ বিকাশে অৰ্থনীতিৰ ৰূপান্তৰ ঘটাইছে।

ভাৰতীয় এছ’চিয়েটেড চেম্বাৰ্ছ অৱ কমাৰ্চ এণ্ড ইণ্ডাষ্ট্ৰী অৱ ইণ্ডিয়া (এছোচেম-ASSOCHAM)ৰ সভাপতি নিৰ্মল কে মিন্দাই কয় যে, প্ৰধানমন্ত্ৰী নৰেন্দ্ৰ মোদীৰ কাৰ্যকালত ভাৰত বিশ্ব অৰ্থনীতিৰ 'উজ্জ্বল স্থান' হিচাপে আত্মপ্ৰকাশ কৰিছে। এই সময়ছোৱাত ভাৰতীয় অৰ্থনীতিৰ মৌলিক দিশসমূহ বিশ্বৰ অন্যান্য প্ৰধান অৰ্থনীতিতকৈ বহু উচ্চ বুলি প্ৰমাণিত হৈছে।

তেওঁ কয় যে দেশৰ মুঠ ঘৰুৱা উৎপাদন (জিডিপি) ২০১৩-১৪ বিত্তীয় বৰ্ষত ১.৯ ট্ৰিলিয়ন ডলাৰৰ পৰা ২০২৫-২৬ বিত্তীয় বৰ্ষত ৪.১ ট্ৰিলিয়ন ডলাৰলৈ বৃদ্ধি পোৱাৰ বিপৰীতে অৰ্থনৈতিক বৃদ্ধিৰ হাৰ ৬.৪ শতাংশৰ পৰা ৭.৭ শতাংশলৈ বৃদ্ধি পাইছে।

উল্লেখযোগ্য যে বুধবাৰে প্ৰধানমন্ত্ৰী নৰেন্দ্ৰ মোদীয়ে দেশৰ প্ৰথম প্ৰধানমন্ত্ৰী জৱাহৰলাল নেহৰুৱে সৰ্বাধিক দীৰ্ঘদিনীয়া প্ৰধানমন্ত্ৰী হোৱাৰ অভিলেখ ভংগ কৰে। ২০১৪ চনৰ ২৬ মে’ত প্ৰথমবাৰৰ বাবে প্ৰধানমন্ত্ৰীৰ পদ গ্ৰহণ কৰা মোদীয়ে ২০১৯ চনত পুনৰ নিৰ্বাচিত হয়। ২০২৪ চনৰ ৯ জুনত তেওঁৰ তৃতীয় কাৰ্যকাল আৰম্ভ হৈছিল আৰু এয়া ২০২৯ চনলৈকে চলিব।

হিন্দুস্থান সমাচাৰ / মনোজ কুমাৰ শইকীয়া