নতুন দিল্লী, ১০ জুন (হি.স.)। কেন্দ্ৰীয় চৰকাৰে ক্ষুদ্ৰ বিত্তীয় প্ৰতিষ্ঠানসমূহৰ বাবে ঋণ নিশ্চয়তা আঁচনি-২.০ৰ বৈধতা ৩১ আগষ্টলৈকে বা মুঠ ২০,০০০ কোটি ₹ৰ নিশ্চয়তা প্ৰদান নকৰালৈকে বৃদ্ধি কৰাৰ বাবে অনুমোদন জনাইছে।

বিত্ত মন্ত্ৰালয়ৰ তথ্য অনুসৰি কেন্দ্ৰীয় চৰকাৰেও সৰ্বোচ্চ ঋণৰ পৰিমাণ ৩০০ কোটি ₹ৰ পৰা ১০০০ কোটিলৈ বৃদ্ধি কৰিবলৈ অনুমোদন জনাইছে, সামগ্ৰিকভাৱে এচেটছ অণ্ডাৰ মেনেজমেণ্ট (এইউএম)ৰ ২০% সীমা নিৰ্ধাৰণৰ অধীনত। আজিলৈকে এই আঁচনিৰ অধীনত মুঠ ₹৭৭০ কোটি টকাৰ ঋণ অনুমোদন কৰা হৈছে। এই আঁচনিৰ উদ্দেশ্য হৈছে নেশ্যনেল ক্ৰেডিট গ্যাৰাণ্টী ট্ৰাষ্টী কোম্পানী লিমিটেডৰ জৰিয়তে ক্ৰেডিট গ্যাৰাণ্টী সহায় আগবঢ়াই ক্ষুদ্ৰ বিত্তীয় প্ৰতিষ্ঠানসমূহৰ (এম এফ আই) ঋণ প্ৰদানৰ ক্ষমতা শক্তিশালী কৰা আৰু নন-বেংকিং ফাইনেন্সিয়েল কোম্পানী-মাইক্ৰ’ফাইনেন্স ইনষ্টিটিউচন (এন বি এফ চি-এম এফ আই)ক ২০,০০০ কোটি ₹ পৰ্যন্ত ঋণৰ সহজ সুবিধা প্ৰদান কৰা। ইয়াৰ বৈধতা বৃদ্ধি আৰু বৃহৎ আকাৰৰ এনবিচিচি-এমএফআইৰ বাবে নিৰ্ধাৰিত সৰ্বোচ্চ ঋণৰ পৰিমাণ বৃদ্ধিয়ে এমএফআই খণ্ডলৈ ঋণৰ প্ৰবাহ বৃদ্ধি কৰিব বুলি আশা কৰা হৈছে।

কেন্দ্ৰীয় চৰকাৰে যোৱা ২০ মাৰ্চত চিজিএছএমএফআই-২.০ আঁচনি ৰূপায়ণ কৰে।নন-বেংকিং ফাইনেন্সিয়েল কোম্পানী-মাইক্ৰ’ফাইনেন্স ইনষ্টিটিউচন (এনবিএফচি-এমএফআই) আৰু এমএফআইয়ে ক্ষুদ্ৰ ঋণগ্ৰহণকাৰীক প্ৰদান কৰা ঋণৰ সম্ভাৱ্য লোকচানৰ বিপৰীতে নেশ্যনেল ক্ৰেডিট গ্যাৰাণ্টী ট্ৰাষ্টী কোম্পানী লিমিটেড (এনচিজিটিচি)ৰ জৰিয়তে বেংক আৰু বিত্তীয় প্ৰতিষ্ঠানসমূহক নিশ্চয়তা প্ৰদান কৰাৰ লক্ষ্য লোৱা হৈছে।

হিন্দুস্থান সমাচাৰ / মনোজ কুমাৰ শইকীয়া