নতুন দিল্লী, ১০ জুন (হি.স.)। অন্ধ্ৰ প্ৰদেশৰ ৰাজধানী অমৰাৱতীত কেন্দ্ৰীয় কেবিনেটে দুটা বৃহৎ আন্তঃগাঁথনি প্ৰকল্পত অনুমোদন জনাইছে। এই প্ৰকল্পসমূহৰ ভিতৰত কেন্দ্ৰীয় চৰকাৰী কাৰ্যালয়ৰ বাবে সাধাৰণ পুল অফিচ থকাৰ ব্যৱস্থা (চিজিজিপিঅ’এ) আৰু কৰ্মচাৰীৰ বাবে সাধাৰণ পুল আৱাসিক থকাৰ ব্যৱস্থা (জিপিআৰএ)।

কেন্দ্ৰীয় তথ্য আৰু সম্প্ৰচাৰ মন্ত্ৰী অশ্বিনী বৈষ্ণৱে ইয়াত কেবিনেটৰ সিদ্ধান্তসমূহৰ বিষয়ে ৰাষ্ট্ৰীয় সংবাদ মাধ্যমক অৱগত কৰি কয় যে এই প্ৰকল্প দুটাৰ লক্ষ্য হৈছে আধুনিক, বহনক্ষম, আৰু পৰিৱেশ অনুকূল আন্তঃগাঁথনি গঢ়ি তোলা। তেওঁ কয় যে কেবিনেটে অমৰাৱতীত ২৩.২৫ লাখ বৰ্গফুটৰ বিল্ড আপ এলেকাৰ ১,২৯৯.০৮ কোটি টকা ব্যয় সাপেক্ষে কেন্দ্ৰীয় চৰকাৰৰ সাধাৰণ পুল অফিচ থকাৰ প্ৰকল্পত অনুমোদন জনাইছে। জেনেৰেল পুল আৱাসিক বাসস্থান প্ৰকল্পটোও অনুমোদন কৰা হৈছে, যাৰ আনুমানিক ব্যয় হ’ব ১,২৩৪.৯১ কোটি টকা আৰু ইয়াৰ নিৰ্মাণ এলেকা ৩১.৩০ লাখ বৰ্গফুট।

তেওঁ কয় যে দুয়োটা প্ৰকল্পই বহনক্ষম আৰু সেউজ আন্তঃগাঁথনিৰ মানদণ্ডৰ ওপৰত ভিত্তি কৰি হ’ব। ইয়াৰ দ্বাৰা নূন্যতম সংহত বাসস্থান মূল্যায়ন সেউজ ৰেটিং (গৃহ) ৪ তাৰকা ৰেটিং নিশ্চিত কৰা হ’ব আৰু শক্তি সংৰক্ষণ বিল্ডিং সংহিতা (ইচিবিচি ২০২৪) অনুসৰি ডিজাইন কৰা হ’ব। অট্টালিকাসমূহ শক্তি-দক্ষ আৰু পৰিৱেশ অনুকূল কৰি তোলাৰ ক্ষেত্ৰত বিশেষ গুৰুত্ব দিয়া হ’ব।

তেওঁ লগতে কয় যে এই প্ৰকল্পসমূহত সৰ্বাংগীন উন্নয়নকো অগ্ৰাধিকাৰ দিয়া হৈছে। প্ৰতিবন্ধীসকলৰ বাবে এই কমপ্লেক্সটো বাধামুক্ত কৰি আধুনিক নাগৰিক আৰু সামূহিক সুবিধা প্ৰদান কৰা হ’ব।

হিন্দুস্থান সমাচাৰ / মনোজ কুমাৰ শইকীয়া