কলকাতা, ০১ জুন (হি.স.)। পশ্চিম বংগ চৰকাৰে সোমবাৰৰ পৰা ৰাজ্যজুৰি চৰকাৰী বাছত মহিলাসকলৰ বাবে বিনামূলীয়া যাত্ৰা কাৰ্যকৰী কৰে। চৰকাৰী ঘোষণা অনুসৰি মহিলা যাত্ৰীসকলে আৰু চৰকাৰী বাছত যাতায়তৰ বাবে কোনো ধৰণৰ ভাড়া দিব নালাগিব। বাছত উঠাৰ লগে লগে তেওঁলোকক শূণ্য-ভাড়া (জিৰ'-ফেয়াৰ) টিকট প্ৰদান কৰা হয়। এই সুবিধা ৰাজ্যৰ সকলো অঞ্চলতে উপলব্ধ আৰু নিয়মীয়া আৰু দীৰ্ঘ দূৰত্বৰ বাছ উভয়ৰে বাবে প্ৰযোজ্য।

আঁচনিৰ সুবিধা ল’বলৈ মহিলা যাত্ৰীসকলে পৰিচয় পত্ৰ দেখুৱাব লাগিব। পৰিবহণ বিভাগে জাৰি কৰা নিৰ্দেশনা অনুসৰি তলত দিয়া বৈধ চৰকাৰী পৰিচয় পত্ৰৰ ভিতৰত যিকোনো এখন টিকট দাখিল কৰি লাভ কৰিব পাৰিব: আধাৰ কাৰ্ড, ভোটাৰ আইডি কাৰ্ড, এমএনৰেগা জব কাৰ্ড, আয়ুষ্মান ভাৰত কাৰ্ড, ড্ৰাইভিং লাইচেন্স, পেন কাৰ্ড, পাছপ’ৰ্ট, ফটো থকা পেঞ্চন ডকুমেণ্ট, ৰাজ্য বা কেন্দ্ৰীয় চৰকাৰৰ কৰ্মচাৰীৰ আইডি কাৰ্ড, স্কুল, কলেজ, বা বিশ্ববিদ্যালয়ৰ আইডি কাৰ্ড, আৰু আন যিকোনো বৈধ চৰকাৰী আইডি কাৰ্ড।

সোমবাৰে পুৱাৰে পৰা ৰাজ্যিক পৰিবহণ নিগম আৰু অন্যান্য চৰকাৰী বাছত এই সন্দৰ্ভত তথ্য প্ৰচাৰ পত্ৰিকা ৰখা হৈছে। বাছৰ পৰিচালক আৰু চালকসকলেও মহিলা যাত্ৰীসকলক শূন্য ভাড়াৰ টিকট প্ৰদানৰ পদ্ধতি সঠিকভাৱে পালন কৰাটো নিশ্চিত কৰিবলৈ বিশেষ প্ৰশিক্ষণ লাভ কৰিছে।

মুখ্যমন্ত্ৰী শুভেন্দু অধিকাৰীয়ে উল্লেখ কৰে যে এতিয়াৰ বাবে মহিলাসকলক বাছত উঠাৰ লগে লগে বিনামূলীয়া টিকট প্ৰদান কৰা হ’ব। ভৱিষ্যতে আঁচনিৰ অপব্যৱহাৰ ৰোধ কৰিবলৈ মহিলা যাত্ৰীসকলৰ বাবে বিশেষ পৰিচয় পত্ৰ প্ৰদানৰ ব্যৱস্থা কৰা হ’ব। এই বিশেষ কাৰ্ড কাৰ্যকৰী কৰাৰ সময়সীমা এতিয়াও ঘোষণা কৰা হোৱা নাই।

যাত্ৰা কৰা মহিলা যাত্ৰীসকল উৎসাহী হৈ পৰা পৰিলক্ষিত হৈছিল। বহুতে কৰ্ম আৰু কৰ্মসংস্থাপনৰ বাবে দৈনিক বাছেৰে যাত্ৰা কৰাৰ প্ৰয়োজনীয়তা প্ৰকাশ কৰিছিল আৰু ভাড়া সঞ্চয় কৰিলে তেওঁলোকক আৰ্থিক সকাহ দিব। মুখ্যমন্ত্ৰী সুবেন্দু অধিকাৰীয়েও এক্স-ৰেত এই আঁচনি আৰম্ভ কৰাৰ কথা ঘোষণা কৰে। তেওঁ কয় যে ৰাজ্য চৰকাৰে মহিলাৰ সুৰক্ষা, সামাজিক প্ৰগতি, আত্মনিৰ্ভৰশীলতা, আৰু অধিকাৰ শক্তিশালী কৰাৰ বাবে প্ৰতিশ্ৰুতিবদ্ধ আৰু নিৰ্বাচনী প্ৰতিশ্ৰুতি অনুসৰি চৰকাৰী বাছত মহিলাসকলৰ বাবে বিনামূলীয়া যাত্ৰা কাৰ্যকৰী কৰা হৈছে।

হিন্দুস্থান সমাচাৰ / মনোজ কুমাৰ শইকীয়া