- চি জে সঞ্জীৱ সাচদেৱক উচ্চতম ন্যায়ালয়লৈ উন্নীত কৰাৰ পিছত আইন মন্ত্ৰালয়ৰ নিৰ্দেশ

ভূপাল, ০১ জুন (হি.স.)। মধ্য প্ৰদেশ উচ্চ ন্যায়ালয়ৰ ভাৰপ্ৰাপ্ত মুখ্য ন্যায়াধীশ হিচাপে ন্যায়াধীশ ন্যায়মূৰ্তি বিবেক ৰুছিয়া নিযুক্ত হৈছে । কেন্দ্ৰীয় আইন আৰু ন্যায় মন্ত্ৰালয়ে জাৰি কৰা চৰকাৰী আদেশ অনুসৰি বৰ্তমানৰ মুখ্য ন্যায়াধীশ বিবেক ৰুছিয়াক এই গুৰুত্বপূৰ্ণ দায়িত্বত নিযুক্তি দিয়া হৈছে। মধ্যপ্ৰদেশ উচ্চ ন্যায়ালয়ৰ মুখ্য ন্যায়াধীশ সঞ্জীৱ সচদেৱক উচ্চতম ন্যায়ালয়ৰ ন্যায়াধীশ হিচাপে উন্নীত কৰাৰ বাবেই এই পৰিৱৰ্তন ঘটে। সোমবাৰে জাৰি কৰা হয় এই নিৰ্দেশ।

নৱনিযুক্ত ভাৰপ্ৰাপ্ত মুখ্য ন্যায়াধীশ বিবেক ৰুছিয়া মূলতঃ মধ্যপ্ৰদেশৰ জবলপুৰৰ। ১৯৬৯ চনৰ ২ আগষ্টত জবলপুৰৰ কোতৱালি অঞ্চলত জন্মগ্ৰহণ কৰিছিল। তেওঁ বিজ্ঞান শাখাত স্নাতক (বি.এছ.চি.) আৰু তাৰ পিছত আইন (এল.এল.বি.) সম্পূৰ্ণ কৰে। ইয়াৰ পিছত ১৯৯২ চনৰ ৮ আগষ্টত মধ্যপ্ৰদেশ ৰাজ্যিক উকীল পৰিষদে তেওঁক অধিবক্তা হিচাপে নামভৰ্তি কৰে। তেওঁৰ পিতৃ প্ৰয়াত প্ৰভাকৰ ৰুছিয়া জবলপুৰৰ মধ্যপ্ৰদেশ উচ্চ ন্যায়ালয়ৰ বিশিষ্ট আৰু জ্যেষ্ঠ অধিবক্তাও আছিল। ন্যায়াধীশ ৰুছিয়াই জবলপুৰৰ বিখ্যাত আইনী দীক্ষিত ব্যক্তি, প্ৰয়াত পি সদাশিবন নাইৰ (জ্যেষ্ঠ অধিবক্তা), ইন্দিৰা নাইৰ (জ্যেষ্ঠ অধিবক্তা), আৰু ৰাজেন্দ্ৰ মেনন (তেতিয়াৰ প্ৰশাসনিক ন্যায়াধীশ, মধ্যপ্ৰদেশ উচ্চ ন্যায়ালয়ৰ)ৰ নিৰ্দেশনাত সহযোগী অধিবক্তা হিচাপে নিজৰ আইনী কেৰিয়াৰ আৰম্ভ কৰিছিল।

জবলপুৰৰ জ্যেষ্ঠ অধিবক্তা গোপেশ যশ তিৱাৰীয়ে কয় যে ন্যায়াধীশ ৰুছিয়াই ১৯৯৮ চনৰ পৰাই তেওঁৰ স্বতন্ত্ৰ প্ৰেকটিছ আৰম্ভ কৰিছিল। তেওঁৰ উৎকৃষ্ট আইনী বুদ্ধিমত্তাৰ বাবেই তেওঁ অতি সোনকালেই দেশ আৰু ৰাজ্যৰ কেইবাটাও ডাঙৰ কোম্পানী আৰু চৰকাৰী সংস্থাৰ আইনী পেনেলত যোগদান কৰে। ইয়াৰ ভিতৰত ক’ল ইণ্ডিয়া লিমিটেড, চাউথ ইষ্টাৰ্ণ ক’লফিল্ডছ লিমিটেড (চিইচিএল), ৱেষ্টাৰ্ণ ক’লফিল্ডছ লিমিটেড (ডব্লিউচিএল), আৰু নৰ্দাৰ্ণ ক’লফিল্ডছ লিমিটেড (এনচিএল), আৰু মধ্যপ্ৰদেশৰ মধ্যপ্ৰদেশ ইষ্ট জ’ন বিদ্যুৎ বিতৰণ কোম্পানী। ইয়াৰ ভিতৰত পাৱাৰ জেনেৰেটিং কোম্পানী, এম পি পাৱাৰ মেনেজমেণ্ট কোম্পানী আৰু এম পি পাৱাৰ ট্ৰেন্সমিছন কোম্পানী, মধ্যপ্ৰদেশ হাউছিং এণ্ড ইনফ্ৰাষ্ট্ৰাকচাৰ ডেভেলপমেণ্ট ব’ৰ্ড, এম পি ক্ষুদ্ৰ উদ্যোগ নিগম, জবলপুৰ কেণ্টনমেণ্ট ব’ৰ্ড (১৯৯৮ চনৰ পৰা ২০০৮ চনলৈ), আৰু জবলপুৰ ডেভেলপমেণ্ট অথৰিটি (২০০০ চনৰ পৰা ২০০৪ চনলৈ) আদি অন্যতম।

উল্লেখযোগ্য যে ভাৰতীয় সংঘৰ হৈ মধ্যপ্ৰদেশ উচ্চ ন্যায়ালয়ত গোচৰৰ যুক্তি দাঙি ধৰিবলৈ তিনি বছৰৰ বাবে ভাৰত চৰকাৰৰ স্থায়ী অধিবক্তা হিচাপেও ন্যায়াধীশ বিবেক ৰুছিয়াক নিযুক্তি দিয়া হৈছিল। আইনী ভ্ৰাতৃত্ববোধৰ ক্ষেত্ৰতো তেওঁ উচ্চ সন্মান লাভ কৰিছিল আৰু জবলপুৰৰ উচ্চ ন্যায়ালয়ৰ অধিবক্তা বাৰ এছ’চিয়েশ্যনৰ যুটীয়া সম্পাদক নিৰ্বাচিত হৈছিল। জবলপুৰৰ উচ্চ ন্যায়ালয় আৰু জিলা উকীল সন্থাৰ আজীৱন সদস্য। তেওঁৰ অসাধাৰণ আইনী সেৱাৰ স্বীকৃতি স্বৰূপে ২০১৬ চনৰ ৭ এপ্ৰিলত মধ্যপ্ৰদেশ উচ্চ ন্যায়ালয়ৰ ন্যায়াধীশ হিচাপে নিযুক্তি লাভ কৰে আৰু তাৰ পিছত ২০১৮ চনৰ ১৭ মাৰ্চত স্থায়ী ন্যায়াধীশ হিচাপে নিযুক্তি লাভ কৰে।এতিয়া তেওঁ মধ্যপ্ৰদেশ উচ্চ ন্যায়ালয়ৰ ভাৰপ্ৰাপ্ত মুখ্য ন্যায়াধীশ হিচাপে শীৰ্ষ পদ গ্ৰহণ কৰিব।

হিন্দুস্থান সমাচাৰ / মনোজ কুমাৰ শইকীয়া