নতুন দিল্লী, ০১ জুন (হি.স.)। সোমবাৰে দিল্লীৰ হায়দৰাবাদ হাউচত প্ৰধানমন্ত্ৰী নৰেন্দ্ৰ মোডী আৰু ম্যানমাৰৰ ৰাষ্ট্ৰপতি উ মিন আং হিলাঙে দ্বিপাক্ষিক আলোচনাত মিলিত হয়।

বৈদেশিক পৰিক্ৰমা মন্ত্ৰালয়ৰ এগৰাকী মুখপাত্ৰই কয় যে ম্যানমাৰৰ ৰাষ্ট্ৰপতিগৰাকীৰ এই ভ্ৰমণৰ লক্ষ্য হৈছে বন্ধুত্ব আৰু সহযোগিতাৰ বান্ধোন আৰু অধিক শক্তিশালী কৰা। এই ভ্ৰমণৰ সময়ত দুয়োখন দেশৰ ঐতিহাসিক আৰু সভ্যতাৰ সম্পৰ্ক আৰু অধিক শক্তিশালী কৰাৰ ওপৰত আলোচনা কৰা হয়।

৩০ মে’ৰ পৰা ৩ জুনলৈ ভাৰত ভ্ৰমণত আছে ৰাষ্ট্ৰপতি ইউ মিন আং হ্লেইঙে। ভ্ৰমণৰ প্ৰথম দিনাই তেওঁ বোধগয়া ভ্ৰমণ কৰিছিল আৰু ২ জুনত মুম্বাই ভ্ৰমণৰ কথা।

বৈদেশিক পৰিক্ৰমা মন্ত্ৰালয়ৰ তথ্য অনুসৰি ম্যানমাৰ ভাৰতৰ ‘নেইবাৰহুড ফাৰ্ষ্ট’, ‘এক্ট ইষ্ট’, আৰু ‘অ’চেন’ নীতিৰ সংগমস্থলত অৱস্থিত। ৰাষ্ট্ৰপতি হ্লাইঙৰ আনুষ্ঠানিক ভাৰত ভ্ৰমণে দুয়োখন দেশৰ বহুমুখী সম্পৰ্ক আৰু অধিক শক্তিশালী কৰিব বুলি আশা কৰা হৈছে।

হিন্দুস্থান সমাচাৰ / মনোজ কুমাৰ শইকীয়া