নতুন দিল্লী, ০১ জুন (হি.স.)। কেন্দ্ৰীয় মাধ্যমিক শিক্ষা ব’ৰ্ড চমুকৈ চিবিএছইৰ সোমবাৰে লাইভ হ’বলগীয়া নম্বৰৰ পৰীক্ষণ আৰু উত্তৰবহীৰ পুনৰ মূল্যায়নৰ বাবে অনলাইন পৰ্টেল মুকলি কৰাৰ দিন এতিয়া পিছুৱাই দিছে ।

চিবিএছইয়ে নিজৰ অফিচিয়েল একাউণ্টৰ জৰিয়তে জনাইছে যে দশম আৰু দ্বাদশ শ্ৰেণীৰ ছাত্ৰ-ছাত্ৰীৰ বাবে অফিচিয়েল অনলাইন পৰ্টেল অতি সোনকালে লাইভ হ’ব, ইয়াৰ আনুষ্ঠানিক জাননী অতি সোনকালে চিবিএছইৰ মূল ৱেবছাইটত প্ৰকাশ কৰা হ’ব।

পূৰ্বে ২৬ মে’ত লাইভ হ’বলগীয়া অনলাইন পৰ্টেলটো কাৰিকৰী ত্ৰুটিৰ বাবে ১ জুনলৈ বৃদ্ধি কৰা হৈছিল যদিও আন কাৰণত আজিও উপলব্ধ নহয়।

উল্লেখযোগ্য যে চিবিএছইয়ে ব’ৰ্ড পৰীক্ষাৰ নম্বৰত অসন্তুষ্ট ছাত্ৰ-ছাত্ৰীক উত্তৰ বহী পুনৰ পৰীক্ষা কৰাৰ সুযোগ প্ৰদান কৰিছে। এই প্ৰক্ৰিয়াত মূলতঃ তিনিটা পৰ্যায় জড়িত থাকিব: নম্বৰৰ পৰীক্ষণ, মূল্যায়ন পত্ৰৰ ফটোকপি কৰা, আৰু পুনৰ মূল্যায়ন।

हिन्दुस्थान समाचार / Manoj Kumar Saikia