বিশ্বজুৰি ইতিহাসৰ পৃষ্ঠাত ৮ মে’টো এটা টাৰ্নিং পইণ্ট হিচাপে লিপিবদ্ধ কৰা হৈছে। এই তাৰিখটোৱেই ইউৰোপত দ্বিতীয় বিশ্বযুদ্ধৰ অন্ত পৰাৰ কথা সোঁৱৰাই দিয়ে, যাৰ ফলত দীৰ্ঘদিনীয়া ধ্বংসলীলা, হিংসা আৰু অস্থিৰতাৰ অন্ত পৰিল।
জাৰ্মান একনায়কত্ববাদী এডলফ হিটলাৰৰ আত্মহত্যাৰ প্ৰায় এসপ্তাহৰ পাছত ১৯৪৫ চনৰ ৮ মে’ত জাৰ্মান সেনাৰ জেনেৰেল আলফ্ৰেড জ’ডলে মিত্ৰশক্তিৰ ওচৰত নিঃচৰ্ত আত্মসমৰ্পণৰ নথি-পত্ৰত স্বাক্ষৰ কৰে। এই ঐতিহাসিক পৰিঘটনাই ইউৰোপত যুদ্ধৰ আনুষ্ঠানিক অন্ত পেলায়। এই দিৱস বহু দেশত ইউৰোপত বিজয় দিৱস হিচাপে পালন কৰা হয়।
অৱশ্য়ে সময়ৰ পাৰ্থক্যৰ বাবে চুক্তিৰ সেই সময়ত ছোভিয়েট ইউনিয়ন (বৰ্তমান ৰাছিয়া)ত মাজনিশা অতিক্ৰম কৰিছিল। সেয়েহে ৰাছিয়া আৰু আন কিছুমান দেশত এই বিজয় ৯ মে'ত পালন কৰা হয়, যাক বিজয় দিৱস বুলি কোৱা হয়।
ইউৰোপত যুদ্ধৰ অন্ত পৰাৰ পিছতো দ্বিতীয় বিশ্বযুদ্ধ সম্পূৰ্ণৰূপে শেষ হোৱা নাছিল। এছিয়াত জাপানৰ বিৰুদ্ধে যুদ্ধ অব্যাহত আছিল। অৱশেষত ১৯৪৫ চনৰ ছেপ্টেম্বৰ মাহত জাপানে আত্মসমৰ্পণ কৰে আৰু দ্বিতীয় বিশ্বযুদ্ধৰ অন্ত পৰে।
দ্বিতীয় বিশ্বযুদ্ধ আছিল মানৱ ইতিহাসৰ অন্যতম বিধ্বংসী সংঘাত, লাখ লাখ লোকৰ প্ৰাণ কাঢ়ি নিয়াৰ লগতে বহু দেশৰ অৰ্থনীতি আৰু সামাজিক গাঁথনি গভীৰভাৱে বিঘ্নিত কৰিছিল। ৮ মে’ তাৰিখে যুদ্ধৰ অন্ত পৰাই নহয়, শান্তি, সহযোগিতা আৰু বিশ্ব ঐক্যৰ প্ৰয়োজনীয়তাৰ কথাও সোঁৱৰাই দিয়ে।
গুৰুত্বপূৰ্ণ পৰিঘটনা
১৮৮৬ – আমেৰিকান ফাৰ্মাচিষ্ট জন এছ পেম্বাৰ্টনে কোকাকোলা প্ৰস্তুত কৰে, যাক তাৰ পিছত টনিক হিচাপে প্ৰচাৰ কৰা হয়।
১৯৩৩ – ব্ৰিটিছ চৰকাৰৰ নীতিৰ বিৰুদ্ধে মহাত্মা গান্ধীয়ে ২১ দিনীয়া উপবাস আৰম্ভ কৰে।
১৯৪৫ – জাৰ্মানীয়ে মিত্ৰশক্তিৰ বাহিনীৰ হাতত আত্মসমৰ্পণ কৰে।
১৯৫৯ - প্ৰধানমন্ত্ৰী জৱাহৰলাল নেহৰুৱে চীনক ভাৰতৰ বিৰুদ্ধে যুদ্ধৰ ভাবুকি দিয়া ভাষণ দিয়াৰ পৰা বিৰত থাকিবলৈ কয়।
১৯৭০ – ব্ৰিটিছ ৰক বেণ্ড দ্য বিটলছৰ সদস্যসকলে আনুষ্ঠানিকভাৱে বিচ্ছেদ হোৱাৰ এমাহৰ পিছত তেওঁলোকৰ শেষ ষ্টুডিঅ' এলবাম লেট ইট বি মুকলি কৰে।
১৯৮০ – বিশ্ব স্বাস্থ্য সংস্থাই ছমপক্স নিৰ্মূল ঘোষণা কৰে।
১৯৯৯ - দক্ষিণ বাংলাদেশৰ মেঘনা নদীত এখন ভৰ্তি নাও বাগৰি পৰাত ৩০০ লোকৰ মৃত্যু হয়।
১৯৯৯ - বেলগ্ৰেডত থকা চীনৰ দূতাবাসত নাটোৱে ক্ষেপণাস্ত্ৰ আক্ৰমণ চলায়।
২০০০ – ভাৰতত জন্মগ্ৰহণ কৰা ৬৯ বছৰীয়া লৰ্ড স্বৰাজপালক ব্ৰিটেইনৰ চতুৰ্থ বৃহত্তম বিশ্ববিদ্যালয় ব্ৰিটিছ বিশ্ববিদ্যালয়ৰ উপাচাৰ্য হিচাপে নিযুক্তি দিয়া হয়।
২০০১ – আমেৰিকাই আন্তঃৰাষ্ট্ৰীয় মাদক দ্ৰব্য নিয়ন্ত্ৰণ ব’ৰ্ডৰ পৰাও আঁতৰি যায়।
২০০২ – পাকিস্তান ভ্ৰমণ বাতিল কৰি নিউজিলেণ্ডৰ দলটোৱে ঘৰলৈ উভতি আহে।
২০০৪ - শ্ৰীলংকাৰ মুৰলীথাৰণে ৫২১টা উইকেটৰে সৰ্বাধিক টেষ্ট উইকেট দখল কৰাৰ অভিলেখ গঢ়িছিল।
২০০৬ - আমেৰিকাই পাকিস্তানক শেহতীয়া গতানুগতিক অস্ত্ৰ ব্যৱস্থা প্ৰদান কৰিবলৈ সন্মত হয়।
২০০৯ – পাকিস্তানী সেনাই শ্বাট উপত্যকাত তালিবানৰ বিৰুদ্ধে অভিযান তীব্ৰতৰ কৰে। তালিবানৰ অত্যাচাৰত দুখী প্ৰায় ২ লাখ লোকে উপত্যকাৰ পৰা পলায়ন কৰে।
২০১০ - ছত্তীশগড়ত দন্তেৱাড়াত তাড়মেতলা আক্ৰমণৰ এমাহৰ পাছত নক্সালবাদীয়ে বিজাপুৰ-ভোপালপট্টনম ৰাষ্ট্ৰীয় ঘাইপথ ১৬ত লেণ্ডমাইন বিস্ফোৰণ কৰি চি আৰ পি এফৰ এখন সাজসজ্জিত বাহনত আক্ৰমণ সংঘটিত কৰে। এই ঘটনাত ৮ জন জোৱান শ্বহীদ হয়। বিস্ফোৰণত বাটেৰে পাৰ হৈ যোৱা দুজন সাধাৰণ নাগৰিকো আহত হয়।
জন্ম
১৮২৮ - জিন হেনৰী ডুনান্ট - মানৱীয় কামৰ বাবে প্ৰথম শান্তি নোবেল বঁটা বিজয়ী।
১৮৯৫ – আজিৰ দিনটোতে গোপবন্ধু চৌধুৰী - উৰিষ্যাৰ বিখ্যাত বিপ্লৱী আৰু গান্ধীবাদী কৰ্মী।
১৯১৬ – আজিৰ দিনটোতে স্বামী চিন্ময়ানন্দ - প্ৰখ্যাত ভাৰতীয় আধ্যাত্মিক চিন্তাবিদ আৰু বেদান্ত দৰ্শনৰ বিশ্ববিখ্যাত পণ্ডিত।
১৯২৬ – তপন সত্যজিৎ চৌধুৰী - প্ৰখ্যাত ইতিহাসবিদ।
১৯২৯ – আজিৰ দিনটোতে ভাৰতৰ বিখ্যাত থুমৰি গায়িকা গিৰিজা দেৱী।
১৯৩২ - সত্যব্ৰত মুখাৰ্জী - পদ্মভূষণ বঁটা বিজয়ী, ভাৰতীয় ৰাজনীতিবিদ আৰু দানবীৰ।
মৃত্যু
১৭৭৭ – মীৰ কাছিম - বংগৰ নবাব।
১৮৯৯ – আজিৰ দিনটোতে বাসুদেৱ চাপেকাৰ - ভাৰতীয় ইতিহাসৰ অন্যতম বিখ্যাত চাপেকাৰ ভাতৃ।
১৯১৫ – আমিৰ চান্দ - ভাৰতীয় স্বাধীনতা সংগ্ৰামী।
১৯১৫ - ভাই বালমুকুণ্ড - ভাৰতৰ স্বাধীনতাৰ বাবে যুঁজ দিয়া বিপ্লৱীসকলৰ ভিতৰত অন্যতম।
১৯২৭ - দামোদৰাম সঞ্জীৱ্যা - ভাৰতীয় জাতীয় কংগ্ৰেছৰ নেতা, যি অন্ধ্ৰ প্ৰদেশৰ মুখ্যমন্ত্ৰী হিচাপে কাৰ্যনিৰ্বাহ কৰিছিল।
১৯৮২ – আত্মাৰাম ৰাওজী দেশপাণ্ডে - বিখ্যাত মাৰাঠী সাহিত্যিক।
১৯৯৩ - দেৱীপ্ৰসাদ চট্টোপাধ্যায় - ভাৰতৰ বিখ্যাত ইতিহাসবিদ।
ভাৰতৰ বিখ্যাত ধ্ৰুপদ গায়ক জিয়া ফৰিদ্দিন দাগৰ।
গুৰুত্বপূৰ্ণ অনুষ্ঠান
-বিশ্ব ৰেড ক্ৰছ দিৱস।
-বিশ্ব থেলাছেমিয়া দিৱস।
हिन्दुस्थान समाचार / মনোজ কুমাৰ শইকীয়া
