চেন্নাই, ০৬ মে’(হি.স.)। ভাৰতীয় জাতীয় কংগ্ৰেছে চি বিজয়নৰ নেতৃত্বত গঠিত তামিলনাডু ভেত্ৰী কাঝাগাম (টিভিকে)ক ওলমি থকা বিধানসভা নিৰ্বাচনৰ ক্ষেত্ৰত চৰকাৰ গঠনৰ বাবে চৰ্তসাপেক্ষ, সম্পূৰ্ণ সমৰ্থন আগবঢ়োৱাৰ কথা ঘোষণা কৰিছে। কংগ্ৰেছে এই মিত্ৰতাত কোনো সাম্প্ৰদায়িক শক্তি বা সংবিধানত বিশ্বাস নকৰা শক্তিক অন্তৰ্ভুক্ত নকৰে বুলি উল্লেখ কৰিছে।
তামিলনাডুৰ নিখিল ভাৰত কংগ্ৰেছ কমিটীৰ ভাৰপ্ৰাপ্ত বিষয়া গিৰীশ চোডাংকৰে বুধবাৰে এক বিবৃতিযোগে নিজৰ দলৰ স্থিতি স্পষ্ট কৰি দিয়ে।
তেওঁ উল্লেখ কৰে যে তামিলনাডুৰ জনসাধাৰণে বিশেষকৈ যুৱক-যুৱতীসকলে ধৰ্মনিৰপেক্ষ, প্ৰগতিশীল আৰু কল্যাণমুখী চৰকাৰৰ সপক্ষে স্পষ্ট আদেশ দিছে। এই আদেশক সন্মান জনাই টিভিকেৰ নেতৃত্বত নতুন চৰকাৰ গঠনত সহায় কৰাটো আমাৰ সাংবিধানিক দায়িত্ব।
তেওঁ উল্লেখ কৰে যে কংগ্ৰেছ দলে তামিলনাডুত চৰকাৰ গঠনৰ ক্ষেত্ৰত টিভিকেক সম্পূৰ্ণ সমৰ্থন আগবঢ়োৱাৰ সিদ্ধান্ত লৈছে, কিন্তু এটা গুৰুত্বপূৰ্ণ চৰ্ত নিৰ্ধাৰণ কৰিছে যে ভাৰতীয় সংবিধানত বিশ্বাস নকৰা কোনো সাম্প্ৰদায়িক শক্তিক মিত্ৰতাত অন্তৰ্ভুক্ত কৰা নহ’ব। তেওঁ কয় যে মিত্ৰতাৰ লক্ষ্য হৈছে কে কামৰাজৰ সোণালী শাসন পুনৰ প্ৰতিষ্ঠা কৰা, ই.ভি. ৰামাছামি পেৰিয়াৰৰ সামাজিক ন্যায়ৰ সিদ্ধান্ত তথা ড° বি.আৰ. আম্বেদকাৰৰ সাংবিধানিৰ মূল্যবোধক আগবঢ়াই নিয়া। তেওঁ লগতে কয় যে এই মিত্ৰতা কেৱল চৰকাৰ গঠনতে সীমাবদ্ধ নাথাকিব, বৰঞ্চ স্থানীয় সংস্থা, লোকসভা, আৰু ৰাজ্যসভা নিৰ্বাচনতো গুৰুত্বপূৰ্ণ ৰাজনৈতিক চুক্তি হিচাপে চলি থাকিব। তেওঁ উল্লেখ কৰে যে ৰাহুল গান্ধী আৰু চি বিজয়ে যৌথভাৱে তামিলনাডুৰ জনসাধাৰণৰ আদেশক সন্মান জনাই তেওঁলোকৰ আশা পূৰণ কৰাৰ সংকল্প লৈছে।
हिन्दुस्थान समाचार / অৰৱিন্দ
