নতুন দিল্লী, ০৬ মে’(হি.স.)। ভাৰতীয় ক্ৰিকেট নিয়ন্ত্ৰণ ব’ৰ্ডে প্ৰকাশ কৰিছে টাটা ইণ্ডিয়ান প্ৰিমিয়াৰ লীগৰ প্লে অফৰ সূচী। এক ৰোমাঞ্চকৰ লীগ পৰ্যায়ৰ অন্তত এতিয়া প্ৰতিযোগিতাখনে অন্তিম পৰ্যায়ত প্ৰৱেশ কৰিছে। ধৰ্মশালা আৰু চণ্ডীগড়ত অনুষ্ঠিত হ’ব কোৱালিফায়াৰ।

৭০খন খেলৰ লীগ পৰ্যায়ৰ পাছত শীৰ্ষ চাৰিটা দলে প্লে অফলৈ আগবাঢ়িব। ২৬ মে’ত ধৰ্মশালাৰ এইচ পি চি এ ষ্টেডিয়ামত অনুষ্ঠিত হ’ব প্ৰথমখন কোৱালিফায়াৰত পইণ্ট তালিকাৰ শীৰ্ষ দুটা দলক ইজনে সিজনৰ বিৰুদ্ধে খেলিব। এই মেচত বিজয়ী দলে পোনপটীয়াকৈ ফাইনেলত প্ৰৱেশ কৰিব। ইয়াৰ পিছত ২৭ মে’ত নিউ চণ্ডীগড়ৰ নতুন আন্তঃৰাষ্ট্ৰীয় ক্ৰিকেট ষ্টেডিয়ামত অনুষ্ঠিত হ’ব তৃতীয় আৰু চতুৰ্থ স্থানৰ দলক ইজনে সিজনৰ বিৰুদ্ধে খেলিব। ২৯ মে’ত একেখন খেলপথাৰতে অনুষ্ঠিত হ’ব দ্বিতীয়খন কোৱালিফায়াৰ, য’ত প্ৰথম কোৱালিফায়াৰৰ পৰা পৰাজিত দল আৰু এলিমিনেটৰৰ বিজয়ী দলে ফাইনেলত স্থান লাভৰ বাবে প্ৰতিযোগিতাত অৱতীৰ্ণ হ’ব।

অহা ৩১ মে’ত বিশ্বৰ সৰ্ববৃহৎ ক্ৰিকেট ষ্টেডিয়াম আহমেদাবাদৰ নৰেন্দ্ৰ মোডী ষ্টেডিয়ামত অনুষ্ঠিত হ’ব এই প্ৰতিযোগিতাৰ চূড়ান্ত খেলখন। এই ছিজনৰ প্লে অফৰ খেলসমূহ বিশেষ পৰিস্থিতিৰ বাবে তিনিটা ভিন্ন স্থানত অনুষ্ঠিত হ’ব। প্ৰথমে বেংগালুৰুত অনুষ্ঠিত হ’বলগীয়া চূড়ান্ত খেলখন স্থানীয় প্ৰশাসন আৰু অন্যান্য কাৰণত আহমেদাবাদলৈ স্থানান্তৰিত হয়।

প্লে অফৰ সূচী: কোৱালিফায়াৰ ১ – ২৬ মে’ – ধৰ্মশালা

এলিমিনেটৰ – ২৭ মে’ – নতুন চণ্ডীগড়

কোৱালিফায়াৰ ২ – ২৯ মে’ – নতুন চণ্ডীগড়

ফাইনেল – ৩১ মে’ – আহমেদাবাদ।

हिन्दुस्थान समाचार / অৰৱিন্দ