বেংগালুৰু, ০৬ মে’ (হি.স.)। ইণ্ডিয়ান প্ৰিমিয়াৰ লীগৰ প্লে অফ আৰু ফাইনেল খেলৰ সুযোগ নোহোৱাত গভীৰ হতাশা প্ৰকাশ কৰিছে কৰ্ণাটক ৰাজ্যিক ক্ৰিকেট সন্থাই। তদুপৰি ভাৰতত ক্ৰিকেট নিয়ন্ত্ৰণ ব’ৰ্ড (বিচিচিআই)ৰ স্থান নিৰ্বাচনক লৈও প্ৰশ্ন উত্থাপন হৈছে।

বুধবাৰে জাৰি কৰা এক বিশদ বিবৃতিত কে এছ চি এয়ে কয় যে এম চিন্নাস্বামী ষ্টেডিয়ামত প্লে অফ মেচ আয়োজন কৰাৰ বাবে বি চি চি আইক আনুষ্ঠানিকভাৱে প্ৰকাশ কৰিছে। সন্থাৰ সভাপতি ভেংকটেশ প্ৰসাদেও এই সন্দৰ্ভত ব’ৰ্ডৰ সৈতে ব্যক্তিগতভাৱে কথা পাতিছিল। বিবৃতিটোত উল্লেখ কৰা হৈছে যে আই পি এলৰ প্লে অফৰ খেলসমূহ অন্য স্থানত আবণ্টন দিয়াত কে এছ চি এ হতাশ হৈ পৰিছে। এই ছিজনত বেংগালুৰুত অনুষ্ঠিত হোৱা পাঁচখন লীগ মেচৰ সফলতাৰে সমাপ্ত হোৱা বুলিও সংস্থাটোৱে আলোকপাত কৰে, য’ত ইয়াৰ কাৰ্য্যকৰী ব্যৱস্থা, ভিৰ পৰিচালনা, আৰু দৰ্শকৰ অভিজ্ঞতাৰ বাবে ব্যাপক প্ৰশংসা কৰা হয়।

উল্লেখযোগ্য যে এইবাৰ ধৰ্মশালা আৰু মুলনপুৰত প্লে অফ অনুষ্ঠিত কৰাৰ সিদ্ধান্ত লোৱাৰ বিপৰীতে আহমেদাবাদত অনুষ্ঠিত হ’ব ফাইনেল। যোৱা পাঁচটা সংস্কৰণৰ ভিতৰত চতুৰ্থবাৰৰ বাবে আহমেদাবাদত অনুষ্ঠিত হ’ব ফাইনেল। পৰম্পৰাগতভাৱে এইবাৰ বেংগালুৰুত ফাইনেল অনুষ্ঠিত হ’ব বুলি আশা কৰা হৈছিল, বিশেষকৈ ৰয়েল চেলেঞ্জাৰছ বাংগালুৰু ডিফেণ্ডিং চেম্পিয়ন হোৱাৰ বাবে।

বিচিচিআইয়ে নিজৰ সিদ্ধান্তৰ ব্যাখ্যা দি কয় যে “কিছুমান কাৰ্য্যকৰী আৰু লজিষ্টিক কাৰণত” প্লে অফ তিনিটা ভিন্ন স্থানত অনুষ্ঠিত হৈছে। ইয়াৰ উপৰিও স্থানীয় সংঘ আৰু প্ৰশাসনৰ কিছুমান প্ৰয়োজনীয়তা ব’ৰ্ডৰ প্ৰতিষ্ঠিত নিৰ্দেশনা অনুসৰি নহয় বুলিও উল্লেখ কৰা হৈছে।

কিন্তু কে এছ চি এয়ে স্পষ্ট কৰি দিয়ে যে ব’ৰ্ডৰ সৈতে কৰা যোগাযোগ বিশুদ্ধ বাস্তৱিক আৰু কাৰ্যকৰী, যাৰ লক্ষ্য কেৱল স্বচ্ছতা আৰু স্পষ্টতা বজাই ৰখা। এছ’চিয়েশ্যনে লগতে কয় যে বেংগালুৰুত আই পি এল ২০০৮ৰ পৰাই একেধৰণৰ কাৰ্যকৰী ব্যৱস্থা প্ৰণয়ন কৰা হৈছে, যিটো এই ছিজনতো গ্ৰহণ কৰা হৈছে।

বিবৃতিটোত আৰু কোৱা হৈছে যে, আমাৰ সম্পূৰ্ণ প্ৰস্তুতি আৰু ইচ্ছাৰ পিছতো বিচিচিআইয়ে অন্যান্য স্থান বাছি লৈছে। যদিও ইয়াৰ আঁৰৰ কাৰণসমূহ আমাক আনুষ্ঠানিকভাৱে জনোৱা হোৱা নাই, আমি ব'ৰ্ডৰ সিদ্ধান্ত আৰু কৰ্তৃত্বক সন্মান কৰো।

উল্লেখযোগ্য যে ৰয়েল চেলেঞ্জাৰছ বাংগালুৰুৰ বিজয় উদযাপনৰ সময়ত হোৱা হুলস্থুলৰ পাছত যোৱা বছৰ চিন্নাস্বামী ষ্টেডিয়ামত কোনো মেচ অনুষ্ঠিত হোৱা নাছিল৷ কিন্তু এই ছিজনৰ পূৰ্বে চৰকাৰী সংস্থাসমূহৰ নিৰাপত্তা পৰ্যালোচনাৰ পিছত মেচ আয়োজন কৰিবলৈ অনুমতি দিয়া হৈছিল। বিচিচিআইয়ে খেলপথাৰখনক ভৱিষ্যতে আন্তঃৰাষ্ট্ৰীয় মেচ আয়োজন কৰাৰ অধিকাৰো প্ৰদান কৰিছে।

এই ছিজনত বেংগালুৰুত অনুষ্ঠিত পাঁচখন লীগ মেচ সফল হ’ল যদিও ৰাজ্য চৰকাৰে বিধায়কৰ বাবে ভিআইপি টিকটৰ দাবীৰ বাবে কিছু লজিষ্টিক প্ৰত্যাহ্বানৰ সৃষ্টি হয়।

কেএছচিএই সামৰণি মাৰি কয় যে ভৱিষ্যতে ডাঙৰ ডাঙৰ ৰাষ্ট্ৰীয় আৰু আন্তঃৰাষ্ট্ৰীয় মেচ আয়োজন কৰিবলৈ সম্পূৰ্ণৰূপে সাজু আৰু বিচিচিআইকে ধৰি সকলো অংশীদাৰক সম্পূৰ্ণ সহযোগিতা আগবঢ়াই যাব।

हिन्दुस्थान समाचार / মনোজ কুমাৰ শইকীয়া