নতুন দিল্লী, ০৪ মে’ (হি.স.)। লোকসভাৰ অধ্যক্ষ ওম বিৰলা, কেন্দ্ৰীয় গৃহ আৰু সমবায় মন্ত্ৰী অমিত শ্বাহ আৰু ৰাজ্যসমূহৰ মুখ্যমন্ত্ৰীসকলে আজি উপ-ৰাষ্ট্ৰপতি চি.পি. ৰাধাকৃষ্ণনৰ জন্মদিনত তেওঁক শুভেচ্ছা জনায় ।

লোকসভাৰ অধ্যক্ষ ওম বিৰলাই এক্সত এক পোষ্ট যোগে উপ-ৰাষ্ট্ৰপতি চি.পি. ৰাধাকৃষ্ণনৰ জন্মদিনত শুভেচ্ছা জনাই কয়, সংসদীয় পদ্ধতিৰ প্ৰতি আপোনাৰ দায়বদ্ধতা আৰু ৰাজহুৱা জীৱনৰ দীৰ্ঘ অভিজ্ঞতা জাতিটোৰ বাবে অপৰিসীম উপকাৰ। আপোনাৰ সুস্বাস্থ্য, সমৃদ্ধিশালী জীৱন আৰু দীৰ্ঘায়ু কামনা কৰিলোঁ।

কেন্দ্ৰীয় গৃহ আৰু সমবায় মন্ত্ৰী অমিত শ্বাহে উপ-ৰাষ্ট্ৰপতি চি.পি. ৰাধাকৃষ্ণনে কয় যে সংসদীয় পদ্ধতিৰ বিষয়ে তেওঁৰ গভীৰ বুজাবুজি আৰু জনজীৱনৰ বিস্তৃত অভিজ্ঞতাই উন্নত ভাৰতৰ বাবে আমাৰ গণতান্ত্ৰিক প্ৰতিষ্ঠানসমূহক শক্তিশালী কৰাত অপৰিসীম অৰিহণা যোগাইছে।

উত্তৰ প্ৰদেশৰ মুখ্যমন্ত্ৰী যোগী আদিত্যনাথে তেওঁক অভিনন্দন জ্ঞাপন কৰি কয় যে ভগৱান শ্ৰীৰামৰ আশীৰ্বাদত তেওঁ যাতে সুস্বাস্থ্য, দীৰ্ঘায়ু আৰু ৰাষ্ট্ৰ সেৱাত অবিৰত খ্যাতি আৰু শক্তি লাভ কৰে তাৰ বাবে প্ৰাৰ্থনা কৰে।

দিল্লীৰ মুখ্যমন্ত্ৰী ৰেখা গুপ্তাই উপ-ৰাষ্ট্ৰপতি ৰাধাকৃষ্ণনৰ জন্মদিনৰ শুভেচ্ছা জ্ঞাপন কৰি কয় যে ৰাজহুৱা জীৱনত তেওঁৰ সততা আৰু উচ্চ সংসদীয় আদৰ্শৰ প্ৰতি তেওঁৰ সমৰ্পণ আমাৰ সকলোৰে বাবে প্ৰেৰণাদায়ক। ভগৱান মুৰুগানৰ ওচৰত তেওঁৰ সুস্বাস্থ্য আৰু দীৰ্ঘায়ুৰ বাবে প্ৰাৰ্থনা জনাইছো ।

কেন্দ্ৰীয় মন্ত্ৰী অৰ্জুন ৰাম মেঘৱালে উপ-ৰাষ্ট্ৰপতিগৰাকীক অভিনন্দন জনাই কয় যে সাংবিধানিক মূল্যবোধৰ প্ৰতি তেওঁৰ দায়বদ্ধতা আৰু জাতি-নিৰ্মাণৰ ক্ষেত্ৰত তেওঁৰ নিষ্ঠাবান অৱদান আমাৰ সকলোৰে বাবে অহৰহ প্ৰেৰণাৰ উৎস।

কংগ্ৰেছৰ ৰাষ্ট্ৰীয় সভাপতি মল্লিকাৰ্জুন খৰ্গেয়ে উপ-ৰাষ্ট্ৰপতিলৈ জন্মদিনৰ শুভেচ্ছা জ্ঞাপন কৰি কয় যে এই বিশেষ অনুষ্ঠানে তেওঁৰ সুস্বাস্থ্য, অবিৰত জ্ঞান আৰু সুখ্যাতিৰে ৰাষ্ট্ৰৰ সেৱা কৰিবলৈ নৱীকৃত শক্তি কঢ়িয়াই আনে।

কেইবাজনো কেন্দ্ৰীয় মন্ত্ৰী আৰু মধ্যপ্ৰদেশ আৰু মহাৰাষ্ট্ৰৰ মুখ্যমন্ত্ৰীয়েও শুভেচ্ছা জ্ঞাপন কৰে। উপ-ৰাষ্ট্ৰপতিগৰাকীক সুস্থ আৰু দীৰ্ঘায়ু কামনা কৰে।

हिन्दुस्थान समाचार / মনোজ কুমাৰ শইকীয়া