নগাঁও, ৩০ মে’ (হি.স.)। নগাঁও জিলাৰ কামপুৰ বনাঞ্চলিক বিষয়া কাৰ্য্যালয়ৰ অন্তৰ্গত কচুৱাৰ কান্দাপাৰা আৰু ৰাঙলুবস্তিত আজি শনিবাৰে পুৱতি নিশা বনৰীয়া হাতীৰ আক্ৰমণত এগৰাকী মহিলা সহ দুজনৰ মৃত্যু হয় । সাহাজ উদ্দিন আৰু হনুফা খাতুন নামৰ এগৰাকী মহিলাৰ হাতীৰ গচকত মৃত্যু হয় ।

হাতীয়ে ঘৰৰ ভিতৰৰ পৰা টানি আনি হনুফা খাতুন নামৰ মহিলা গৰাকীক আক্ৰমণ কৰি নিহত কৰে বুলি মহিলা গৰাকীৰ পৰিয়ালৰ লোকে জানিব দিয়ে । ওৰে নিশা অঞ্চলটোত বনৰীয়া হাতীৰ জাকে উপদ্ৰৱ চলোৱা বুলি স্থানীয় ৰাইজে জানিব দিয়ে । হাতীৰ আক্ৰমণত

দুগৰাকীৰ মৃত্যু হোৱাৰ ওপৰিও আন কেইবা গৰাকী লোক গুৰুতৰ ভাবে আহত হয় বুলি জানিব পৰা গৈছে । এই ঘটনাক লৈ সমগ্ৰ কচুৱাত শোঁকত ছা পৰিছে ।

---------------

হিন্দুস্থান সমাচাৰ / নিৰ্মলেন্দু