ডেৰাডুন, ৩০ মে’ (হি.স.)। ভাৰতীয় জনতা পাৰ্টি (বিজেপি)ৰ ৰাষ্ট্ৰীয় সভাপতি নীতিন নবীনে শনিবাৰে ডেৰাডুনৰ প্ৰাচীন সিদ্ধপীঠ টপকেশ্বৰ মহাদেৱ মন্দিৰত এই বিধি বিধানেৰে পূজা অৰ্চনা কৰি ভগৱান শিৱৰ আশীৰ্বাদ গ্ৰহণ কৰে। তেওঁ দেশ আৰু ৰাষ্ট্ৰৰ সমৃদ্ধি, শান্তি, মংগলৰ বাবে প্ৰাৰ্থনা কৰে।

তিনিদিনীয়া উত্তৰাখণ্ড ভ্ৰমণৰ তৃতীয় দিনা শনিবাৰে পুৱা টপকেশ্বৰ মহাদেৱ মন্দিৰত উপস্থিত হয় বিজেপিৰ সভাপতিগৰাকী। টপকেশ্বৰ মহাদেৱ মন্দিৰত দৰ্শন আৰু পূজাৰ জৰিয়তে তেওঁ ৰাজ্যবাসীৰ মংগল আৰু জাতিৰ প্ৰগতিৰ বাবে প্ৰাৰ্থনা কৰে।

উত্তৰাখণ্ডত থকা সময়ছোৱাত বিজেপিৰ সভাপতিগৰাকীয়ে ধৰ্মীয় বিশ্বাস আৰু সাংগঠনিক কাম-কাজৰ সৈতে জড়িত বিভিন্ন কাৰ্যসূচীত অংশগ্ৰহণ কৰি আছে। মন্দিৰ চৌহদত অনুষ্ঠিত পূজাত বিজেপিৰ ৰাজ্যিক সভাপতি মহেন্দ্ৰ ভট্ট, ৰাজ্যিক সহযোগী প্ৰভাৰী ৰেখা ভাৰ্মা, কেবিনেট মন্ত্ৰী গণেশ যোশী, ৰাজ্যিক সাধাৰণ সম্পাদক (সংগঠন) অজয় কুমাৰ, ৰাজ্যিক সাধাৰণ সম্পাদক তৰুণ বংশল আৰু ডেৰাডুন বিজেপি মহানগৰ জিলাৰ সভাপতি সিদ্ধাৰ্থ আগৰৱালাইও অংশগ্ৰহণ কৰে।

হিন্দুস্থান সমাচাৰ / মনোজ কুমাৰ শইকীয়া