বেংগালুৰু, ৩০ মে’(হি.স.)। ৰাজ্যখনৰ পৰৱৰ্তী মুখ্যমন্ত্ৰী নিৰ্বাচনৰ প্ৰক্ৰিয়া আনুষ্ঠানিকভাৱে আগুৱাই নিয়াৰ বাবে আজি বেংগালুৰুত কৰ্ণাটক কংগ্ৰেছ বিধানসভা দলৰ এক গুৰুত্বপূৰ্ণ বৈঠক অনুষ্ঠিত হ’ব। বৰ্তমানৰ ৰাজ্যিক কংগ্ৰেছৰ সভাপতি তথা প্ৰাক্তন উপ-মুখ্যমন্ত্ৰী ডি. শিৱকুমাৰ বিধায়িনী দলৰ নতুন নেতা হিচাপে নিৰ্বাচিত হোৱাৰ সম্ভাৱনা আছে।

সন্ধিয়া ৪ বজাত অনুষ্ঠিত হ’ব সভা। আজি বিধান সৌধাৰ তৃতীয় মহলাৰ কনফাৰেন্স ৰুমত। বিধায়িনী দলৰ সম্পাদক আল্লামাপ্ৰভু পাটিলে কংগ্ৰেছৰ সকলো বিধায়কক এই বৈঠকত উপস্থিত থাকিবলৈ নিৰ্দেশ দিছে।

শুকুৰবাৰে কৰ্ণাটকৰ ৰাজ্যপাল থাৱাৰ চান্দ গেহলটে প্ৰাক্তন মুখ্যমন্ত্ৰী সিদ্ধাৰমাইয়াৰ পদত্যাগ মানি লয়, আৰু ৰাজ্যৰ মন্ত্ৰীসভা ভংগ হয়। এই পটভূমিত কংগ্ৰেছ বিধানসভা দলৰ বৈঠক আহ্বান কৰা হৈছে।

এই সভাখনত সিদ্ধাৰমাইয়াই অধ্যক্ষতা কৰিব। কংগ্ৰেছৰ কৰ্ণাটকৰ প্ৰভাৰী ৰনদীপ সিং সুৰজেৱালা আৰু বিধান পৰিষদৰ সদনৰ নেতা এন. ভোছাৰাজু, ডি কে শিৱকুমাৰকে ধৰি দলৰ জ্যেষ্ঠ নেতা, আৰু কংগ্ৰেছৰ সকলো বিধায়ক উপস্থিত থাকিব।

হিন্দুস্থান সমাচাৰ / মনোজ কুমাৰ শইকীয়া